Chto aŭtar dakumienta pra «niekanstruktyŭnyja arhanizacyi» i biełaruskuju movu? Škoła, upraŭleńnie adukacyi i BRSM admaŭlajucca
Aŭtar dakumienta «Formy i mietody riealizacii mołodiežnoj politiki v horodie Hrodno», jaki byŭ apublikavany na sajcie siaredniaj škoły №22 Hrodna, zastajecca nieviadomym. Pryčym upraŭleńnie adukacyi Hrodzienskaha harvykankama admaŭlaje, što heta jany nakiravali papieru ŭ škołu.
«Chto aŭtar, pakul nie viedaju. Dała zadańnie praanalizavać, prakamientavać pakul nie hatovaja. Dała zadańnie daviedacca, chto aŭtar, my pakul hetaha nie viedajem. Ale
hety dakumient nie prachodziŭ praz upraŭleńnie adukacyi», — skazała Halina Kurhanskaja, pieršaja namieśnica načalnika ŭpraŭleńnia adukacyi.
Žanna Šumskaja, dyrektarka toj samaj škoły №22, ad kamientaroŭ admoviłasia.
«Viedajecie, ja pačała pracavać 1 vieraśnia 2015 hoda, ja novy dyrektar, były dyrektar ciapier tut nie pracuje.
Ja nie mahu adkazvać na pytańni, biez kamientaroŭ. Ja va ŭsim sprabuju razabracca. My raźbirajemsia ŭ situacyi».
U haradskim kamitecie BRSM paviedamili, što i jany nie majuć nijakaha dačynieńnia da tajamničaha dakumienta.
Dyrektary i namieśniki pa vychavaŭčaj pracy inšych hrodzienskich škoł, adkazvajučy na pytańnie, ci atrymlivali jany toj dakumient, reahujuć pa-roznamu. Adny kateharyčna admaŭlajuć, što atrymlivali tyja «Formy i mietody…», inšyja admaŭlajucca ad kamientaroŭ.
Cikava, što hetak sama, jak i toj dakumient — «Formy i mietody riealizacii mołodiežnoj politiki v horodie Hrodno» — nazyvaŭsia sieminar dla namieśnikaŭ staršyń har- i rajvykankamaŭ Hrodzienskaj vobłaści, što kuryrujuć pytańni ideałahičnaj pracy, jaki prajšoŭ u Hrodzienskim abłvykankamie 18 sakavika.
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary