«Połučiło aktivnoje raźvitije novoje napravlenije sriedi niekonstruktivnych orhanizacij – popularizacija biełorusskoho jazyka» KOPIJA DAKUMIENTA
Biełarusaŭ praciahvajuć dzialić na «pravilnych» i «niapravilnych». Pra heta śviedčyć dakumient «Formy i mietody riealizacii mołodiežnoj politiki v horodie Hrodno», apublikavany na sajcie siaredniaj škoły №22 horada Hrodna.
«Papularyzacyja biełaruskaj movy» kursami «Mova nanova» ŭ dakumiencie pieraličana ŭ liku «niehatyŭnych źjavaŭ». Da niehatyvu adnosiać i lubuju niezaležnuju hramadskuju dziejnaść.
Takim čynam, svaboda słova i kłopat pra svaju nacyjanalnuju movu i kulturu — hetyja dźvie bazisnyja asnovy jeŭrapiejskaj cyvilizacyi, — režym pa-raniejšamu adnosić da škodnych źjavaŭ. Praŭda, kali raniej ich nośbitaŭ nazyvali «destruktyŭnymi», to ciapier vykarystoŭvajuć miakčejšy termin «niekanstruktyŭnyja».
Skaz «łokalizovany miesta vstrieč členov dannych orhanizacij» aznačaje, što za inšadumcami viadziecca sačeńnie.
Siarod pryjarytetaŭ nazyvajucca roznyja razumnyja rečy. Naprykład, adznačajecca važnaść baraćby z narkotykami i zdarovaha ładu žyćcia. Ale i tut nie abyšłosia biez kurjozaŭ.
Siarod pazityŭnych prykładaŭ nazyvajucca, siarod inšaha, tancy hoŭ-hoŭ, blizkija da stryptyzu. Nu, u kaho što śviarbić…
* * *
P.S. Praź dźvie hadziny paśla publikacyi hetaha artykuła dakumient z sajta škoły źnik.
-
Biełarusam Alenie i Krystafu, u jakich u Varšavie zhareła arendnaja kvatera, za dzień sabrali bolš za $16 tysiač
-
Biełarus, jakomu zabaranili ŭjazdžać u Jeŭropu, znajšoŭ chitry sposab, jak heta abyści
-
Śpiecyjalisty patłumačyli, nakolki niebiaśpiečnyja masty i puciepravody, chiby jakich pakazvajuć u internecie
Kamientary