«Hazprom» pravaliŭ pieršy aŭkcyjon pa prodažy hazu dla Jeŭropy
Pieršaja handlovaja siesija aŭkcyjonu «Hazproma» pa prodažy hazu dla Jeŭropy zaviaršyłasia navat biez adzinaj ździełki praz zanadta vysoki košt łotaŭ, jaki nie zacikaviŭ pakupnikoŭ.
Aŭkcyjon startavaŭ 7 vieraśnia i praciahniecca da 10 vieraśnia.
U pres-słužbie «Hazpram ekspartu» vyniki pieršaha handlovaha dnia nie kamientujuć, piša RBK.
Minimalnuju canu, pa jakoj haz vystaŭleny na tarhi, namieśnik staršyni praŭleńnia «Hazproma» Alaksandr Miadźviedzieŭ nazyvać nie staŭ, ale skazaŭ, što jana vyšejšaja za ceny doŭhaterminovych kantraktaŭ dla pastaŭki hazu ŭ Jeŭropu.
«Hazpram» prasiŭ z pakupnikoŭ u druhim kvartale ŭ siarednim 251 dalar za tysiaču kubamietraŭ. U paniadziełak forvardnyja kantrakty na jeŭrapiejskich handlovych placoŭkach na zimu 2015—2016 hadoŭ zaklučajucca pa canie na ŭzroŭni 230 dalaraŭ za tysiaču kubamietraŭ.
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary