Učastki zaharadžalnaha płota stali źjaŭlacca ŭ pamiežnaj pałasie pamiž Rasijaj i Ukrainaj. Zamoŭcam budaŭnictva źjaŭlajecca Upraŭleńnie FSB Rasii pa Rastoŭskaj vobłaści. Adpaviednaja infarmacyja raźmieščanaja na aficyjnym partale dziaržzakupak.
«Vykanańnie rabot pa budaŭnictvie zaharadžalnaha płota sa zvarnych płotavych siekcyj z V-padobnymi nakaniečnikami, śpiralnym barjeram biaśpieki z AKŁ (armavanaj kalučaj stužki) z materyjałaŭ padradčyka», — adznačajecca ŭ raździele «Nazva tavaru, pracy, pasłuhi» na sajcie.
Košt zaharadžalnych zbudavańniaŭ — amal 10 miljonaŭ rasijskich rubloŭ.
Da kanca biahučaha hoda pamiž Rastoŭskaj i Danieckaj abłaściami pavinny źjavicca bolš za try kiłamietry padobnych zbudavańniaŭ.
U siaredzinie žniŭnia ŭ Dziaržpahransłužbie Ukrainy zajaŭlali pra pośpiechi ŭmacavańnia ukrainska-rasijskaj miažy. U ramkach realizacyi prajekta «Jeŭrapiejski vał» na miažy z Rasijaj było abstalavana 180 kiłamietraŭ procitankavych ravoŭ, a taksama zbudavanyja 546 kiłamietraŭ fartyfikacyjnych pieraškod, 39 kiłamietraŭ zaharod z kalučaha drotu, 175 blindažoŭ, 897 akopaŭ, ustanoŭlena 6 novych naziralnych vyšak.
Praciahłaść suchaputnaj miažy dźviuch krain — kala 2 tysiač kiłamietraŭ.
Ciapier čytajuć
Na «hulni Mackieviča» nie było Cichanoŭskaj, Łatuški, Cichanoŭskaha. Babaryka i Kaleśnikava adjazdžali, ale viarnulisia5
Na «hulni Mackieviča» nie było Cichanoŭskaj, Łatuški, Cichanoŭskaha. Babaryka i Kaleśnikava adjazdžali, ale viarnulisia
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary