Łukašenka znoŭ zajaviŭ, što nie treba strymlivać ceny

Ab hetym jon zajaviŭ siońnia ŭ čas razmovy z pradstaŭnikami pracoŭnaha kalektyvu AAT «Biełaviežski» i žycharami vioski Rasna.

president.gov.by

«Ja moh by pierad vybarami skazać: usio budzie dobra i hetak dalej. Usio sapraŭdy budzie narmalna, my nie zahiniem. Ale siońnia nie heta hałoŭnaje pytańnie. Pytańnie nie ŭ cenach i navat nie ŭ zarpłacie. Iduć ekanamičnyja vojny, pierš za ŭsio ŭ finansach. Kitaj devalvavaŭ svoj juań až prykładna na 10 pracentaŭ - pa ŭsim śviecie ŭdaryła! Bližej da nas: Rasija ŭ try razy devalvavała svoj rubiel, heta pa nas udaryła, našy ceny ŭ Rasii napałavinu mienšyja na toje ž miasa, małako. Druhi raz devalvavaŭ nacyjanalnuju valutu Kazachstan. Taksama naš partnior. Pra Ukrainu ŭžo naohuł nie kažu», — adznačyŭ jon.

«Jakaja meta staić u kiraŭnikoŭ hetych dziaržaŭ? Vyratavać vytvorčaści i krainu. Nam jak u hetaj situacyi dziejničać? U nas nie takaja rynačnaść, jak u ich, my sioje-toje možam trymać i kiravać pracesami, u tym liku ŭ cenaŭtvareńni, ale nie praźmierna», - skazaŭ kiraŭnik dziaržavy. Pavodle jaho słoŭ, kali prytrymać u krainie ceny, a vakoł jany buduć raści, to spynicca vytvorčaść, i pierš za ŭsio pramysłovaść. «Tamu chočaš, nie chočaš — viercišsia, krucišsia, nam davodzicca niejak biehčy za ŭsimi astatnimi», — adznačyŭ Alaksandr Łukašenka.

Jon źviarnuŭ uvahu, što ŭ krainie da hetaha času datujecca sielskaja haspadarka. «Dla niekatorych heta vyžyvańnie. U canu my nie možam usio ŭcisnuć. Kali padniać ceny, to my možam być niekankurentazdolnymi ź inšymi. Tamu vymušany datavać. Uvieś śviet padtrymlivaje sielskuju haspadarku, chto bolš, chto mienš, tamu i nam davodzicca. Ale kali cana vyšejšaja na vašu pradukcyju, značyć, i vašy dachody vyšejšyja. Ale jość inšy kaniec u hetaha palena, jaki bje pa ludziach, — ceny ŭ mahazinach», — skazaŭ biełaruski lidar.

«Pieražyviom hety hod, dumaju, nastupny budzie lahčejšy. Navat pry ŭsich hetych niehatyvach. Tamu što, mnie zdajecca, u našym rehijonie ŭžo abvalilisia nastolki, što dalej padać niama kudy. Tamu my pieražyvajem samyja ciažkija časy», — ličyć kiraŭnik dziaržavy.

Na dumku Alaksandra Łukašenki, vyniki pavinna dać dyviersifikacyja rynkaŭ. Biełaruś aktyŭna vychodzić sa svajoj pradukcyjaj u Aziju, Afryku, Łacinskuju Amieryku. «Dumaju, toje, što my stracim u Rasii, my zamieścim na hetych rynkach, — adznačyŭ jon. — Ale treba krychu bolš papracavać».

«Treba zachavać krainu dla dziaciej. Drenna budzie, kali my znoŭ staniem niečym rehijonam», - ličyć biełaruski lidar. Pavodle jaho słoŭ, treba žyć u zhodzie i ź Jeŭropaj, i z Rasijaj, ale žyć na svajoj ziamli. «Spakoj i biaśpieka nie kuplajucca i nie pradajucca, jak i zdaroŭje. Voś heta nam treba źbierahčy», — padkreśliŭ jon.

• 0
• 0
• 0
• 0
• 0
• 0
• 0
• 0