Jeŭrasajuz zaklikaŭ adpuścić asudžanaha na 15 hadoŭ za špijanaž hramadzianina Estonii Estana Kochviera. Pavodle słoŭ viarchoŭnaha pradstaŭnika Jeŭrasajuza pa zamiežnych spravach Fiederyki Mahieryni, jaho zaklučeńnie ŭ Rasii parušaje mižnarodnaje prava.
«Vykradańnie i nastupnaje niezakonnaje ŭtrymańnie mistera Kochviera na terytoryi Rasii — heta pramoje parušeńnie mižnarodnaha prava», — havorycca ŭ raspaŭsiudžanaj ad imia Mahieryni zajavie.
Taksama ŭ joj skazana, što słuchańni pa jaho spravie prachodzili ŭ zakrytym režymie, tamu Kochviera pazbavili prava spraviadlivaha suda.
«Krainy Jeŭrasajuza praciahvajuć prasić Rasiju prysłuchacca da mižnarodnych pahadnieńniaŭ, adpuścić nieadkładna mistera Kochviera i harantavać jamu biaśpiečnaje viartańnie ŭ Estoniju», — pryvodziacca słovy Mahieryni.
Prezident Estonii Tomas Chiendryk Ilvies na svajoj staroncy ŭ fejsbuku zaklikaŭ hramadzian krainy padtrymać Estana Kochviera i vyjści 20 žniŭnia na vulicy z žoŭtymi stužkami (20 žniŭnia Estonija adznačaje Dzień niezaležnaści).
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary