U vioscy Ražanka Ščučynskaha rajona pabudavali soniečnuju elektrastancyju FOTA
U vioscy Ražanka Ščučynskaha rajona TAA «Ahrachimśviatło» zaviaršyła apošni etap budaŭnictva soniečnaj elektrastancyi mahutnaściu 1,26 MVt, adbyłasia ŭračystaja cyrymonija adkryćcia.
Soniečnyja paneli mahutnaściu 230—250 Vt raźmieščanyja na płoščy 2,4 ha. U dzień stancyja vypracoŭvaje kala 8500 kVt•h enierhii.
Jak paviedamili ŭ kamitecie ekanomiki rajvykankama, u prajekt inviestavana kala Br18,5 młrd. Soniečnaja elektrastancyja ŭ Ražancy stała pieršaj u Hrodzienskaj vobłaści.
Da 2018 hoda hety ž inviestar płanuje realizavać jašče adzin prajekt u śfiery alternatyŭnaj enierhietyki ŭ Ščučynskim rajonie. Dla hetaha było zarehistravana TAA «ŁohAł-Enierha», u studzieni zaklučany adpaviedny dahavor. Učastak dla budaŭnictva hetaj soniečnaj elektrastancyi sfarmiravany ŭ rajonie byłoha vajskovaha aeradroma. Tut płanujecca ŭstalavać impartnyja soniečnyja paneli-moduli, zdolnyja vypracoŭvać da 2,5 MVt enierhii. Košt realizacyi hetaha prajekta aceńvajecca ŭ Br35 młrd, užo ŭkładziena kala Br400 młn.
Treci abjekt soniečnaj enierhietyki ŭ rehijonie źjavicca ŭ vioscy Rahačy Hrodzienskaha rajona. TAA «Inžynirynhavaja kampanija» InviestEnierhaBud» da 2016 hoda płanuje ŭźvieści elektrastancyju na soniečnych batarejach mahutnaściu 1 MVt.
-
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ
-
Falsifikacyi ŭ daśledavańniach chvaroby Alchiejmiera. Jak vyniki pryviali nie tudy
-
Biełaruskija vučonyja pachvalilisia papiarovymi kubačkami, vyrablenymi pa novaj technałohii. Takija to rabili daŭno, ale našy dadali inšaje rečyva
Ciapier čytajuć
Kachanak Anžaliki Mielnikavaj — ahient biełaruskich śpiecsłužbaŭ z pašpartam prykryćcia41
Kamientary