Minski traktarny zavod płanuje pavialičyć u 2016—2017 hadach pastaŭki svajoj techniki ŭ Pakistan da 5 tys. adzinak, paviedamiŭ pieršy namieśnik hienieralnaha dyrektara AAT «MTZ» — markietynh-dyrektar Uładzimir Makaranka ŭ čas naviedvańnia pradpryjemstva premjer-ministram Pakistana Navazam Šaryfam.
«Sioleta zavod pryniaŭ rašeńnie ab centralizacyi pastavak traktaroŭ u Pakistan, była stvorana sumiesnaja biełaruska-pakistanskaja kampanija MTW Pak Assembling Industries.
Da hetaha my pracavali razroźniena i pastaŭlali 2,5—3 tys. traktaroŭ na hod. Ciapier ža raźličvajem zaniać dastojnuju nišu na hetym rynku i pavialičyć pastaŭki da 5 tys. adzinak. Heta pierśpiektyva 2016—2017 hadoŭ», — adznačyŭ Uładzimir Makaranka.
Na bazie nazvanaj kampanii ŭ krasaviku 2015 hoda adbyŭsia zapusk zboračnaj vytvorčaści traktaroŭ «Biełarus», na hety momant užo zavieršana zborka piłotnaj partyi z 16 traktarakamplektaŭ.
Uładzimir Makaranka adznačyŭ, što pradpryjemstva ličyć Pakistan pierśpiektyŭnym rynkam. Traktarny park hetaj krainy aceńvajecca ŭ 700 tys. traktaroŭ, hadavaja patrebnaść rynku — 70 tys. adzinak techniki ŭ hod.
«My chočam zaniać nišu ŭ pamiery 10 pracentaŭ ad ahulnaha abjomu štohadovych pastavak traktaroŭ na rynak Pakistana. U pierśpiektyvie navat da 10 tys. dajści, ale ŭsio budzie zaležać ad taho, jak budzie pracavać naša zboračnaja vytvorčaść», — adznačyŭ jon.
Akramia taho, paviedamiŭ markietynh-dyrektar, pakistanski bok zacikaviŭsia bavoŭnavymi traktarami pradpryjemstva. «Pakul damoŭlenaści tolki na słovach, u bližejšy čas, liču, my pryjdziem da peŭnaha razumieńnia i zaklučeńnia kantraktaŭ», — padkreśliŭ jon.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary