Całavacca nie pryniata ŭ bolšaj častcy čałaviečych kultur
Bo heta niekamfortna, nieabaviazkova ci naohuł ahidna.
Daśledčyki kulturnaj antrapałohii Instytuta imia Kinsi z univiersiteta Indyjany ŭ Błuminhtanie (ZŠA) vyjavili, što pacałunki ličacca narmalnym sposabam uzajemadziejańnia miž mužčynaj i žančynaj tolki ŭ 46% čałaviečych kultur, pra što raspaviali ŭ časopisie American Anthropologist.
Całavacca adnaznačna pryniata va ŭsich kulturach Bližniaha Uschodu, u 73% azijackich i 70% jeŭrapiejskich kultur, dy nie lubiać całavacca 81% kultur Paŭdniovaj i 100% — Centralnaj Amieryki.
Mnohija kultury ličać heta nieabaviazkovym dziejańniem, robiać vielmi redka ci prosta nie uchvalajuć takoje, niekatoryja navat ličać ahidnym.
Navukoŭcy praanalizavali ahromnistuju bazu viedaŭ pra čałaviečyja kultury dy apytali amal sotniu etnohrafaŭ i antrapołahaŭ. Ahułam sabranyja źviestki pra 168 kultur z usiaho śvietu — jak staražytnych, tak i sučasnych. Nadziejnaj infarmacyi niama tolki pra plamiony Sachary i Novaj Hviniei, niekatoryja plamiony Amazonii.
Raniej pacałunki mierkavalisia «ŭsialudskaj» źjavaj, što dastałasia nam ad rytuałaŭ prodkaŭ-prymataŭ. Niešta padobnaje da pacałunkaŭ zaŭvažali za šympanze.
Suśvietny dzień pacałunka adznačajecca 6 lipienia. Samy doŭhi u śviecie pacałunak mužčyny z žančynaj praciahvaŭsia 58 z pałovaj hadzin, mužčyny z aŭtamabilem — doŭžyŭsia 76 hadzin.
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary