Były hienieralny dyrektar AAT «Avijakampanija Transavijaekspart» Vadzim Mielnik asudžany da 7 hadoŭ pazbaŭleńnia voli z adbyvańniem pakarańnia ŭ papraŭčaj kałonii ŭzmocnienaha režymu z kanfiskacyjaj majomaści. Taki pryhavor vyniesieny sudom Centralnaha rajona Minska, paviedamili ŭ Viarchoŭnym sudzie Biełarusi.
Pry naznačeńni pakarańnia sud prymianiŭ da Mielnika zakon ab amnistyi i vyzvaliŭ jaho ad pryznačanaha pakarańnia častkova terminam na adzin hod.
Pryhavor byŭ vyniesieny 3 žniŭnia.
Mielnik byŭ zatrymany supracoŭnikami hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj MUS Biełarusi pa padazreńni ŭ zamachu na machlarstva ŭ asabliva bujnym pamiery 8 krasavika 2015 hoda.
Pavodle źviestak śledstva, dyrektar vyrašyŭ vykarystać u karyślivych metach namier zamiežnaj kampanii pryvatyzavać jaho pradpryjemstva, jakoje znachodzicca ŭ dziaržaŭnaj ułasnaści. Sustreŭšysia z pradstaŭnikom inviestaraŭ, kiraŭnik spasłaŭsia na znajomstva sa słužbovymi asobami dziaržorhanaŭ, upaŭnavažanych na praviadzieńnie aŭkcyjonu pa prodažy AAT «Avijakampanija Transavijaekspart». Pry hetym uvioŭ surazmoŭcu ŭ zman adnosna svaich mahčymaściej spryjalna vyrašyć pytańni ŭ intaresach inviestaraŭ za chabar i vyklikaŭsia być pasrednikam u ich pieradačy.
Jak śćviardžaje śledstva, dyrektar nie moh paŭpłyvać na chod aŭkcyjonu, a tolki chacieŭ zavałodać hrošami. Jon byŭ zatrymany pry atrymańni 30 tysiač dołaraŭ ZŠA, jakija ź`iaŭlajucca častkaj ahavoranaj zahadzia sumy.
Kiraŭniku avijakampanii było prad`iaŭlena abvinavačańnie pa č. 1 art. 14, č. 4 art. 209 KK (zamach na zavałodańnie majomaściu šlacham padmanu i złoŭžyvańnie davieram hrupaj asob u asabliva bujnym pamiery) i č. 5 art. 16, č. 2 art. 431 KK (padbuchtorvańnie da dačy chabaru ŭ bujnym pamiery).
U chodzie śledstva da abvinavačvanaha była prymieniena miera strymańnia ŭ vyhladzie źniavoleńnia pad vartu. Nakładzieny aryšt na jaho majomaść na 4 młrd. 150 młn. rubloŭ, u tym liku pryvatny dom ź ziamielnym učastkam u Minsku, aŭtamabil-pazadarožnik, najaŭnuju zamiežnuju valutu.
Ciapier čytajuć
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary