Pravasłaŭny fietyšyzm i zbroja: prarasijski «Kazačy spas» zładziŭ čarhovyja dziciačyja zbory
Psieŭdakazaki «Kazackaha spasu», što dziejničajuć pad patranažam RPC u Biełarusi, apublikavali na svaim sajcie spravazdaču čarhovych «zaniatkaŭ» z padletkami.
Pavodle «kazakoŭ», zbory dla niepaŭnaletnich biełaruskich dziaciej ciahnulisia 7 dzion, dla čaho byli zadziejničanyja ažno 12 «instruktaraŭ». Tyja čytali padletkam «lekcyi patryjatyčnaha kirunku» i prymali zaliki pa stralbie ź pistaleta i vintoŭki.
Aproč taho, dzieci za čas zboraŭ uziali ŭdzieł u kryžovym chodzie na «Linii Stalina» i vučylisia akazvać pieršuju dapamohu paranienym.
Mierapryjemstva taksama naviedaŭ biełaruski kikbaksior Alaksiej Ihnašoŭ.
Prarasijskija kazaki «Kazackaha spasu» pad kiraŭnictvam Piatra Šapko rehularna pravodziać zbory pa padrychtoŭcy biełaruskich padletkaŭ da vajny. Arhanizacyja prykryvajecca supracoŭnictvam z chramam Rastva Chrystova i «moładzievym dabračynnym hramadskim abjadnańniem «Horad biez narkotykaŭ», jakim taksama kiruje Piotr Šapko.
«Kazaki» ŭ razmovach z žurnalistami «NN» abviarhajuć svaju prarasijskuju pazicyju, ale nie mohuć patłumačyć, u čym palahaje tak zvanaje «patryjatyčnaje vychavańnie», jakoje jany naviazvajuć biełaruskim padletkam.
Ciapier čytajuć
Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie6
Kamientary