Štatnaja kolkaść ministerstva ŭnutranych spraŭ Rasii budzie skaročana na 110 tysiač čałaviek, paviedamiła pres-słužba viedamstva. Adpaviedny ŭkaz padpisany prezidentam Rasii Uładzimiram Pucinym.
Jak adznačajecca ŭ paviedamleńni pres-słužby, skaračeńnie budzie rabicca za košt kolkaści kiraŭničych struktur ad abłasnoha ŭzroŭniu i vyšej, a taksama najaŭnaha na dadzieny momant niekamplektu.
Akramia taho, skarociać supracoŭnikaŭ tych padraździaleńniaŭ pazaviedamasnaj achovy, jakija ažyćciaŭlali supravadžeńnie abjektaŭ, funkcyi pa achovie jakich mohuć vykonvać pryvatnyja achoŭnyja arhanizacyi.
«Niaźmiennym zastaniecca kolkaść padraździaleńniaŭ rajonnaha ŭzroŭniu, to bok mienavita tych, jakija pracujuć niepasredna» na ziamli «i naŭprost ŭzajemadziejničajuć z hramadzianami», — rastłumačyli ŭ pres-centry.
U sakaviku kiraŭnik viedamstva Uładzimir Kałakolcaŭ kazaŭ, što MUS čakaje skaračeńnie vydatkaŭ i asabistaha składu. Jak paviedamlajecca, miery źviazanyja sa skaračeńniem finansavańnia viedamstva ŭ 2015 h. na 111,3 młrd rub. Sumu takoha paradku ŭ ministerstvie spadziajucca zekanomić z dapamohaj skaračeńniaŭ.
Ciapier u šerahach MUS słužać bolš za 1 młn čałaviek. U pačatku hoda rasiejskija ŚMI paviedamlali, što MUS spyniła nabor novych supracoŭnikaŭ.
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina19
Kamientary