U Minsku adčyniŭsia patencyjny kankurent «Makdonaldsa» — Burger King FOTA i CENY
U stalicy na vulicy Prytyckaha, 154 adčyniŭsia papularny brendavy fast-fud — Burger King.
Restaran budzie pracavać štodnia z 8:00 da 24:00.
Miesca padabrali ŭdałaje: pa-pieršaje, bolšaja častka žycharoŭ hetaha rajona karystajecca mietro. Pa-druhoje, transpartnaja linija idzie na vyjezd z horada, a značyć, prahresiŭnyja hości stalicy taksama nie projduć mima.
Pamiaškańnie
Restaran maje dva pavierchi z 200 pasadačnymi miescami.
Adno z novaŭviadzieńniaŭ, jakich nie było ŭ nivodnym fastfudzie Biełarusi, — mahčymaść samastojna nalivać napoi.
Absłuhoŭvańnie
Na adkryćci restarana było kala 50 čałaviek. Absłuhoŭvać pačali davoli chutka.
Piersanał vietlivy, ale maładyja chłopcy i dziaŭčaty časam zabyvalisia niešta dadać: nakryŭku, sałominku abo što-niebudź inšaje.
Spačatku byŭ pryniesieny vialiki tort, ale tak i nie zrazumieła było, ci heta tolki dla supracoŭnikaŭ abo i dla haściej taksama. Va ŭsiakim razie, naviednikam nie prapanoŭvali.
Siurpryzam byli karony, jakija kožny naviednik moh uziać sabie ŭ padarunak.
Ceny i asartymient
Ličycca, što admietnaściu Burger King źjaŭlajecca toje, što svaje katlety jany hatujuć na hryli.
My vyrašyli zamović standartny nabor naviednika fast-fudaŭ: bulba-fry, syrny sous, čyzburhier i vialiki kubak haziroŭki.
Na smak: ježa sama saboj śviežaja, ciopłaja. Bulba, što istotna, smačniejšaja za zvykłuju makdonaldsaŭskuju. Što tyčycca napojaŭ, to tut vialiki minus — vada na Kamiennaj Horcy chłaravanaja, tamu haziroŭka maje śpiecyfičny prysmak. Parada — mienš dadavajcie lodu.
U Burger King cikavaja źnižkavaja sistema. Kali zamaŭlać nabory, vychodzić tańniej.
Pa cenach vialikija i zvyčajnyja burhiery kaštujuć pryblizna stolki ž, kolki i ŭ «Makdonaldsie».
Što tyčycca zdarovaha charčavańnia, dyk Burger King ničym nie adroźnivajecca ad inšych fast-fudaŭ.
Dla prahresiŭnaj moładzi źjaŭleńnie novaha fast-fuda ŭ Minsku — heta jašče adzin sposab bavić čas u kampanii siabroŭ u miescy jeŭrapiejskaha ŭzroŭniu.
* * *
Burger King Corporation — amierykanskaja kampanija, uładalnik sietki restaranaŭ chutkaha charčavańnia Burger King, jakaja śpiecyjalizujecca na hamburhierach. Štab-kvatera znachodzicca ŭ Majami-Dejd (Fłaryda, ZŠA).
Burger King vałodaje 13 tys. handlovymi kropkami ŭ 79 krainach. 66% kropak znachodzicca ŭ ZŠA, 99% kirujecca pryvatnikami.
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary