U skład Biełaruskaha dziaržaŭnaha kancerna pa vytvorčaści i realizacyi tavaraŭ lohkaj pramysłovaści ŭklučanaje sumiesnaje tavarystva z abmiežavanaj adkaznaściu «Konte Spa».
Heta praduhledžana pastanovaj Savieta ministraŭ № 536 ad 26 červienia, tekst jakoj raźmieščany na Nacyjanalnym pravavym internet-partale.
Nahadajem, pra toje, što STAA «Konte Spa» moža ŭvajści ŭ skład «Biellehprama», paviedamiŭ 11 červienia na pres-kanfierencyi staršynia kancerna Mikałaj Jafimčyk. «Kampanija napisała zajavu, kab uvajści ŭ skład kancerna. Naš saviet prahałasavaŭ za. Zaraz čakajem rašeńnia Savieta ministraŭ ab tym, što STAA «Konte Spa» ŭvajšło ŭ skład «Biellehprama», — skazaŭ jon.
Pavodle słoŭ Jafimčyka, kancern hatovy pryniać u svoj skład i inšyja pryvatnyja kampanii. «Usio-taki kaapieracyja ŭnutry kancerna bolš dazvolić im ruchacca. Toj ža «Mark Farmiel». Na ich pracujuć bolš za pałovu našych ludziej, jany navučanyja ŭ nas, raniej u nas pracavali, nabyli vopyt. Tak, tam — pryvatny biźnies, bolš manieŭru, bolš matyvacyi. I heta cudoŭna. Heta našy ludzi, jakija pracujuć i na naš rynak, i na ekspart. I tut supiarečnaściaŭ nie pavinna być», — miarkuje kiraŭnik kancerna.
Kampanija «Konte Spa» (Conte Spa) stvoranaja ŭ 1997 hodzie ŭ Hrodnie. Śpiecyjalizujecca na vytvorčaści pančošna-škarpetkavaj pradukcyi i trykatažu dla žančyn, mužčyn i dziaciej. Aktyŭna raźvivaje nie tolki žanočuju handlovuju marku Conte elegant, ale i mužčynski brend DiWaRi, dziciačy Sonte-kids, a taksama marku ESLI (trykatažnyja vyraby dla ŭsioj siamji).
Siońnia ŭ skład kancerna «Biellehpram» uvachodziać 95 arhanizacyj, u tym liku 78 pramysłovych.
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca1
Kamientary