Ščotkina: Jakija dźvie pracy? Ja tak nie kazała
Ministr pracy i sacyjalnaj abarony Biełarusi Maryjana Ščotkina admoviłasia kamientavać žurnalistam svaje vykazvańni ab nieabchodnaści biełarusam «krucicca» na dźviuch pracach.
«Jakija dźvie pracy? Ja tak nie kazała. Pračytajcie ŭvažliva, što ja skazała, a nie toje, što pisali subjektyŭnyja žurnalisty», — zajaviła jana 30 červienia ŭ pałacie pradstaŭnikoŭ.
Na pytańnie, ci bačyła jana reakcyju biełarusaŭ na svaje vykazvańni, Ščotkina adkazała:
«Nu i što? Ja skazała toje, što skazała. Toje, što tam niejak pieraviarnuli subjektyŭna, heta ŭžo padychod žurnalistaŭ».
Nahadajem, jak paviedamlała dziaržaŭnaha ahienctva BiełTA, 18 červienia ŭ čas naviedvańnia Hrodzienskaj abutkovaj fabryki «Nioman» Ščotkina zajaviła: «Umovy, jakija siońnia jość, schilajuć siamju da taho, kab naradžać bolš dziaciej, kali heta, viadoma, zapłanavana. Tamu što naradžeńnie dziaciej dziela dapamohi abo kvatery niedapuščalna, viadoma ž. Ale kali ludzi prymajuć rašeńnie ab tym, što ŭ ich budzie dvoje-troje dziaciej abo bolš, jany razumiejuć taksama, što im treba, što nazyvajecca, «krucicca». Dla taho kab zarabić, siońnia jość mahčymaści. My pahladzieli, što amal 93% biełarusaŭ pracujuć tolki na adnoj pracy, a heta i mužčyny. Ale kali mama zajmajecca doma dziećmi, tak chaj tata «pakrucicca». … Siońnia biełarusam treba prajaŭlać bolšuju aktyŭnaść, kab pavysić svoj dabrabyt «.
Siońnia žurnalisty pacikavilisia ŭ Ščotkinaj, na kolkich pracach «krucicca» jaje muž, adnak na hetaje pytańnie ministr pracy i sacyjalnaj abarony taksama nie adkazała.
* * *
Jak nastaŭnica z Zapalarja haniaje biełaruskich darmajedaŭ: historyja žyćcia Maryjany Ščotkinaj
* * *
Ministr Ščotkina skančaje budaŭnictva katedža ŭ Drazdach FOTA
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary