Biełaruś nie pavinna pryviazvacca ŭ raźvićci stasunkaŭ ź ES i ZŠA da niejkich kankretnych padziej. Takuju zajavu 29 červienia na pres-kanfierencyi ŭ Minsku zrabiŭ ministr zamiežnych spraŭ Biełarusi Uładzimir Makiej, adkazvajučy na pytańnie ab tym, jak vybary paŭpłyvajuć na stasunki krainy z zachodnimi partniorami.
«My nie pavinny imknucca da taho, kab ad hetych padziej zaležali stasunki z našymi partniorami. Samaje hałoŭnaje, kab była zacikaŭlenaść u raźvićci stasunkaŭ. U Biełarusi jana jość», — skazaŭ Makiej na sustrečy z žurnalistami, arhanizavanaj pavodle vynikaŭ dyskusii kiraŭnikoŭ MZS krain Uschodniaha partniorstva.
Jon taksama dadaŭ: «My realisty i cudoŭna razumiejem, što dla ES vybary adyhryvajuć važnuju rolu. My chočam, kab vybary prajšli ŭ maksimalna transparentnaj maniery».
Makiej nahadaŭ, što biełaruski bok užo abjaviŭ pra namier zaprasić mižnarodnych naziralnikaŭ. «My nie źbirajemsia zakryvać praces padrychtoŭki i praviadzieńnia vybaraŭ, — skazaŭ kiraŭnik biełaruskaha MZS. — Zrobim usio, kab hetyja padziei ŭ Biełarusi prajšli na vysokim uzroŭni i paźbiehli toj cykličnaści, jakaja zaŭsiody ŭźnikała raniej. Spadziajemsia, što hetaja tradycyja zastaniecca ŭ minułym i my nie pieraniasiem jaje ŭ budučyniu».
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach19
Kamientary