Minskija ŭstanovy hramadskaha charčavańnia abaviazali padavać biełaruskuju kuchniu
I nie prosta adnu-dźvie stravy, a staronki nacyjanalnaj kuchni ŭ mieniu.
U metach «pavyšeńnia jakaści absłuhoŭvańnia» i «papularyzacyi biełaruskaj nacyjanalnaj kuchni», a taksama «zachavańnia tradycyj paŭnavartasnaha haračaha charčavańnia» namieśnik staršyni Minharvykankama Andrej Damaracki daručyŭ usim ustanovam hramadskaha charčavańnia dadać u mieniu «staronki biełaruskaj nacyjanalnaj kuchni».
Mieć u mieniu nacyjanalnuju kuchniu abaviazanyja ŭsie straŭni, kafe, bary i restarany akramia tych, što śpiecyjalizujucca na nacyjanalnych stravach inšych narodaŭ. Termin, da jakoha treba ŭklučyć biełaruskuju kuchniu ŭ mieniu, nie nazvany.
Minharvykankam prapanavaŭ Minhandlu zamacavać inicyjatyvu na zakanadaŭčym uzroŭni. Takaja inicyjatyva časova dziejničała padčas Čempijanatu śvietu pa chakiei ŭ Minsku ŭ 2014-m. Siarod nacyjanalnych straŭ nazyvalisia draniki, bulbianiki, piačysta sa śvininy, vieraščanka, hračaniki z hrybami, čaj biełaruski i źbicień.
Pa źviestkach Minharvykankama, 70% abjektaŭ hramadskaha charčavańnia i tak pradstaŭlaje stravy biełaruskaj kuchni, čverć ź ich śpiecyjalizujucca pry hetym na zamiežnaj albo źjaŭlajucca barami ci kaviarniami. Bujnych kafe i restaranaŭ ź biełaruskaj kuchniaj u Minsku naličyli čatyry dziasiatki.
Čytajcie taksama:
Azaraŭ: Restarannyja recepty biaskonca dalokija ad aŭtentyčnaj litvinskaj kuchni
Entuzijasty źbirajuć hrošy na stvareńnie kulinarnaj karty Biełarusi
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy41
Kamientary