U Homieli ŭ pieryjad zdačy ekzamienaŭ u VNU ŭ abłasnuju śpiecyjalizavanuju kliničnuju balnicu štodzionna źviartajucca adzin-dva studenty sa skarhaj na mikranavušniki, što zasieli ŭ vušach.
Jak paviedamili BiełaPAN u miedycynskaj ustanovie, studenty źmiaščajuć mikranavušniki zanadta hłyboka ŭ vucha i potym nie mohuć ich dastać z dapamohaj mahnita, jaki pradajecca ŭ kamplekcie z navušnikami. Pavodle słoŭ miedrabotnikaŭ, niekatory studenty ŭstanaŭlivajuć mikranavušniki pobač z barabannaj pieraponkaj.
5 červienia ŭ adździaleńnie otarynałarynhałohii balnicy źviarnułasia studentka z zapaleńniem barabannaj pieraponki. Pakul daktaram nie ŭdałosia dastać mikranavušnik z vucha dziaŭčyny.
U praktycy homielskich łor-daktaroŭ byli vypadki, kali mikranavušniki źmiaščali za pierašyjek chrastka — heta samaje vuzkaje miesca ŭ vušach, i tady vydalić prystasavańnie vielmi ciažka.
Ale pakul da chirurhičnych apieracyj daktary nie źviartalisia — mikranavušniki dastajuć ščypcami i kručkom.
Jany zaznačajuć, što ŭsio bolš maładych ludziej karystajucca mikranavušnikami, jakija stanoviacca ŭsio drabniejšymi, i ich usio ciažej dastać z vucha navat miedycynskim rabotnikam. Časty dyjahnaz u amataraŭ chalavy na ekzamienach — vonkavy atyt.
Łor-uračy nie rajać vykarystoŭvać mahnitnyja mikranavušniki z-za mahčymych traŭm až da straty słychu.
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju3
Kamientary