Palina Respublika vystupić u Mirskim zamku z doktaram Sajkovym
Na «Pieśni hoda Biełarusi-2015», što ładzicca ŭ miežach «Muzyčnych viečaroŭ u Mirskim zamku» telekanałam ANT, vystupiać niezvyčajnyja dla takich mierapryjemstvaŭ hości: bard Palina Respublika, hurty Hurma i «U nieskładovaje».
Na treciaj častcy kancertu ŭ subotu, 13 červienia, na scenu razam z Palinaj i Hurma vyjduć Cichanovič i Papłaŭskaja, Alona Łanskaja, Iryna Darafiejeva i doktar Sajkoŭ.
U inšyja dni «Pieśni hoda» vystupiać «Pieśniary», «Siabry», Alaksandr Saładucha, «Ciahni-Šturchaj», Uzari, Alaksiej Chlastoŭ, Saša Nema, Łarysa Hrybalova, Ina Afanaśjeva i mnohija inšyja estradnyja artysty.
Akramia taho, u miežach «Muzyčnych viečaroŭ» projduć solnyja kancerty rasijskich artystaŭ Michaiła Šufucinskaha i Łality dy biełarusaŭ Łanskoj i Chlastova. Taksama musili vystupić «Dyskateka Avaryja» i Jołka, ale ich vystupy byli admienienyja. Jak patłumačyli arhanizatary Onliner.by, u muzykaŭ adbylisia źmieny ŭ hastrolnym hrafiku, im šukajuć zamienu.
Čytajcie taksama: Palina Respublika vydała «Biaskoncy krasavik»
Kamientary