Na Baranavickim miasakambinacie prajšoŭ stychijny mitynh suprać zakryćcia cechaŭ i masavaha zvalnieńnia ludziej.
Na Baranavickim miasakambinacie prajšoŭ stychijny mitynh suprać zakryćcia cechaŭ i masavaha zvalnieńnia ludziej.
Dniami tam zhubili pracu kala 40 čałaviek z kanservavaha cechu. Taki ž los pahražaje jašče sotni rabotnikaŭ kambinatu.
Kolkaść pracoŭnych dzion na miasakambinacie składaje ad 7 da 10 na miesiac. Stychijny mitynh ludzi praviali, kali daviedalisia pra poŭnaje zakryćcio kanservavaha cechu. Zaraz jany aścierahajucca analahičnaha losu dla siabie, havoryć adna z rabotnic, Volha Hienijuš:
«Ja kažu ad imia kalektyvu cechu, što nas chvaluje prablema straty pracy. Nam uvieś čas abiacajuć, što budzie ŭsio dobra, što budzie rekanstrukcyja, što my ruchajemsia, a nasamreč my staim na miescy. My žyviem u abiacankach, a pracy ŭ nas niama. Mer horada Dziačkoŭski, jaki ŭ nas byŭ, my ad jaho ničoha nie pačuli».
Pradpryjemstva było dałučanaje da Biarozaŭskaha miasakambinatu, nibyta z metaj rekanstrukcyi i madernizacyi. Adnak heta pierajšło ŭ zhortvańnie vytvorčaści i zvalnieńnie pracoŭnych, balšynia ź jakich — žančyny, kaža jašče adna rabotnica pradpryjemstva Ała Zajko:
«Ja adna vychoŭvaju dzicia. Zarobak za studzień 184 tysiačy, jak pražyć? Pracavać na kambinacie pačała z 18 hadoŭ, zaraz mnie — 37 i voś kudy iści? Niama kudy iści. I nas šmat takich. Chto pracuje ŭ zabojnym cechu — va ŭsich takoje stanovišča».
Piśmovyja zvaroty kalektyŭ kambinatu nakiroŭvaŭ u kancern, u administracyju Bieraściejskaj vobłaści, prezydenckuju administracyju, adnak adkazu niadkul nie atrymali. Dyrektar Biarozaŭskaha miasakambinatu Uładzimier Žukovič padziei na padparadkavanym pradpryjemstvie prakamentavać taksama admoviŭsia:
«Ja interviju nikomu pa telefonie nie daju. Kali chočacie, to pryjaždžajcie. Usiaho dobraha, da pabačeńnia».
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie47
Kamientary