Da 9 Maja ŭsie pracaŭniki handlu i śfiery pasłuh musiać mieć čyrvona-zialonuju butańjerku ź jabłynievym ćvietam
Napiaredadni i padčas śviatkavańnia 9 Maja kožnamu supracoŭniku arhanizacyj handlu, bytavoha absłuhoŭvańnia i hramadskaha charčavańnia Ministerstvam handlu rekamiendavana dadać da formiennaj vopratki simvał akcyi «Kvietki Vialikaj Pieramohi».
Havorka idzie pra čyrvona-zialonuju stužku z kvietkaj jabłyni — «premjera» alternatyŭnaj simvoliki prajšła jašče ŭ studzieni hetaha hoda, kali pradstaŭniki BRSM padaravali jaje Alaksandru Łukašenku.
U redakcyju partała Tut.by čytačy dasłali zdymak dakumienta, jaki rabotniki handlu na dniach atrymali z Upraŭleńnia handlu i pasłuh Viciebskaha abłvykankama. U im ahavorvajucca ŭmovy ŭdziełu ŭ respublikanskim patryjatyčnym prajekcie «Kvietki Vialikaj Pieramohi». Orhany kiravańnia prosiać pryniać miery «pa najaŭnaści simvała akcyi, prymacavanaha da formiennaj vopratki, u kožnaha rabotnika arhanizacyi handlu, bytavoha absłuhoŭvańnia i hramadskaha charčavańnia».
Charakterna, što na piśmie majecca paznaka — rašeńnie pavinny pryniać da viedama kiraŭniki pradpryjemstvaŭ usich formaŭ ułasnaści.
«Źviartajem uvahu, što prodaž nazvanaha simvała niedapuščalny. U metach padrychtoŭki spravazdačy ŭ ministra handlu infarmujcie ab pracy pa zaklučeńni damoŭ i atrymańni ad kožnaha vytvorcy simvała akcyi «Kvietki Vialikaj Pieramohi» (čyrvona-zialonaj stužki z kvietkaj jabłyni) dla nastupnaj pieradačy klijentam u pieryjad padrychtoŭki i śviatkavańnia 70-hodździa Pieramohi ŭ Vialikaj Ajčynnaj vajnie», — havorycca ŭ liście.
Pakul nieviadoma dakładna, ci budzie butańjerka razdavacca vyklučna biaspłatna ci ŭsio ž taki ich možna budzie kupić. Pa niekatoraj infarmacyi, rabotniki arhanizacyj pavinny buduć nasić na formiennaj vopratcy novy simvał z 1 pa 9 maja.
U Ministerstvie handlu paviedamili, što ŭ akcyi voźmuć udzieł arhanizacyi handlu, bytavoha absłuhoŭvańnia i hramadskaha charčavańnia pa ŭsioj krainie. Detali mierapryjemstva jašče abmiarkoŭvajucca, padrabiaznaja infarmacyja budzie apublikavanaja na sajcie viedamstva da kanca miesiaca.
Hladzicie taksama: Mahiloŭskaja fabryka naroščvaje vypusk čyrvona-zialonych butańjerak, ale praciahvaje vyrablać i «hieorhijeŭskija»
Kamientary