U Hiermanii 65-hadovaja žančyna, maci trynaccaci dziaciej, znoŭ ciažarnaja, na hety raz čaćviarnioju. Pra heta paviedamlaje Agence France-Presse sa spasyłkaj na niamiecki telekanał RTL.
Aniehret Raunih, vykładčyca ruskaj i anhlijskaj moŭ, zmahła znoŭ začać pry dapamozie štučnaha apładnieńnia. Sproby zaciažaryć dadzienym sposabam jana pradprymała ŭ zamiežnych klinikach na praciahu apošnich paŭtara hadoŭ. Pa słovach žančyny, jana vyrašyła zavieści jašče adno dzicia paśla taho, jak jaje małodšaja dzieviacihadovaja dačka skazała, što choča maleńkaha bracika ci siastryčku.
Jak adznačaje Bild, Raunih znachodzicca na 21-m tydni ciažarnaści. «Viadoma, ja była ŭ šoku, kali daviedałasia, — raspaviała jana, adznačyŭšy, adnak, što nie razhladała varyjant źmianšeńnia kolkaści embryjonaŭ. — Na samaj spravie ja nie bajusia. Spadziajusia, što ja zastanusia zdarovaj i budu ŭ dobraj fizičnaj formie».
Ciažarnaść niemki, u jakoj užo siamiora ŭnukaŭ, prachodzić biez asablivych uskładnieńniaŭ. Małyja pavinny źjavicca na śviet uletku. Tady niemka stanie samaj pažyłoj maci čaćviarych bliźniat. Usie jaje 13 dziaciej — ad piaciarych roznych mužčyn. Starejšamu dziciaci 44 hady, małodšaj dačce — dzieviać (jana naradziłasia, kali maci było 55 hadoŭ).
Ciapier čytajuć
U restaranie «Mak.baj» na zahad Łukašenki pierajmienavali amierykana. Jak nazvali?16
Kamientary