Jarmošyna pahadžajecca na prazrystyja skryni na vybarach, ab padliku hałasoŭ na vačach u naziralnikaŭ maŭčyć
Kamientujučy prapanovy apazicyi pa ŭdaskanaleńni vybarčaha zakanadaŭstva, adno ź jakich tyčyłasia ŭstanoŭki na učastkach prazrystych skryniaŭ, Lidzija Jarmošyna zajaviła, što hetaje pytańnie nie patrabuje zakanadaŭčych źmianieńniaŭ i ŭžo peŭny čas raspracoŭvajecca ŭ CVK.
«Pa rekamiendacyi Centrvybarkama, bujnyja harady ŭžo ŭsio zakłapacilisia hetaj prablemaj. I prynamsi na haradskich učastkach buduć pa mahčymaści paŭsiudna ŭstanaŭlivacca prazrystyja skryni dla hałasavańnia», — zajaviła kiraŭnik CVK.
«Vyvučajučy adkazy miascovych orhanaŭ ułady na našy mietadyčnyja rekamiendacyi, my atrymali infarmacyju, što pytańni ŭstanoŭki prazrystych skryń dla hałasavańnia paŭsiudna prapracoŭvajucca. Prynamsi va ŭsich abłasnych centrach i ŭ Minsku. Ja nie mahu harantavać, što jany buduć ustanoŭleny ŭsiudy, ale, prynamsi, ich budzie šmat «, - dadała Lidzija Jarmošyna.
Raniej u CVK zajaŭlali, što asnoŭnaj pryčynaj, pa jakoj u Biełarusi na vybarach nie stavili prazrystyja skryni, była adsutnaść resursaŭ u miascovych uładaŭ.
Nahadajem, praviadzieńnie prezidenckich vybaraŭ u Biełarusi čakajecca 15 listapada 2015 hoda. Pra hatoŭnaść pryniać u ich udzieł zajavili staršynia Abjadnanaj hramadzianskaj partyi Anatol Labiedźka, kiraŭnik Libieralna-demakratyčnaj partyi Siarhiej Hajdukievič. Jašče adnym vierahodnym kandydatam ad apazicyi stała aktyvist kampanii «Havary praŭdu» Taćciana Karatkievič. Akramia taho, pra svaje płany pa vyłučeńni zajaviŭ dziejny kiraŭnik dziaržavy Alaksandr Łukašenka.
-
Ź Biełarusi ŭ Rasiju sprabavali niezakonna vyvieźci pad tonu rahoŭ
-
Na zapraŭcy pad Minskam kavu nalivaje robat-barysta. Nakolki heta zručna?
-
«Nie zabirajcie ŭ dziaciej sa śmiarotnym dyjahnazam apošniaje!» Blizkija chvorych na rak dziaciej źviarnulisia da Łukašenki z prośbaj nie źniščać fond «KinderVita»
Aryštavany 75‑hadovy Źmicier Sańko — vieteran-vydaviec3
Kamientary