8 (–) Pavieł Kałaŭr
Staršynia praŭleńnia Nacbanka.
Novy hałoŭny bankir krainy pahasiŭ valutny kryzis mienš čym za miesiac. Jahonaja papiarednica Nadzieja Jermakova ŭ 2011 raskačvałasia amal paŭhoda.
Kałaŭr — pazityŭny vobraz čynoŭnika, jaki prabiŭsia navierch dziakujučy mazham, a nie suviaziam. Jon nie baicca prymać rašeńni, hatovy čuć roznyja mierkavańni, na narady Nacbanka zaprašajuć niezaležnych ekanamistaŭ. Adnak kirunak manietarnaj palityki ŭsio adno vyznačajuć nie ŭ Nacbanku, a ŭ kalidorach Administracyi prezidenta.
Cytata
«Luby dazvoł raźlikaŭ u zamiežnaj valucie — udar pa svajoj».
Śniežań 2011.
Abjektyŭka
Naradziŭsia ŭ 1962 u vioscy Biełavuša na Stolinščynie. Skončyŭ Pinski ŭlikova-kredytny technikum (1980), Biełaruski dziaržaŭny instytut narodnaj haspadarki imia Kujbyšava (1985). Kandydat ekanamičnych navuk (2001).
Pracavaŭ u Staŭbcoŭskim, Biarezinskim, Vałožynskim adździaleńniach Dziaržbanka SSSR (1985–1987), uznačalvaŭ Vałožynskaje adździaleńnie Ahraprambanka SSSR (paśla — «Biełahraprambanka») (1988–1993).
Pracavaŭ u sistemie Nacbanka (1993–2010), spačatku namieśnikam staršyni praŭleńnia, z 1999 — pieršym namieśnikam.
Staršynia praŭleńnia banka «BiełVEB» (2010–2014). Staršynia praŭleńnia Nacbanka (z 2014).
* * *
Čytajcie taksama:
Self-made man: historyja pośpiechu Paŭła Kałaŭra, repartaž ź jaho małoj radzimy
* * *
Ciapier čytajuć
Na Minskim paŭmarafonie pamior 50‑hadovy biahun. Voś što viadoma pra Alaksieja Dašynieviča20
Kamientary