U Breście 26 sakavika pačaŭ kursiravać «histaryčny» tralejbus. Na jaho bartach nadpisy: «Brest-2015. Kulturnaja stalica Biełarusi» i «Naš staražytny małady horad».
U sałonie tralejbusa raźmieščana pryśviečanaja historyi Bresta fotadakumientalnaja vystava, jakaja padrychtavana abłasnym krajaznaŭčym muziejem. U ekspazicyi bolš za 30 vidaŭ horada ŭ pačatku XX stahodździa i sučasnych. Dapaŭniaje vystavu chranałohija najbolš značnych padziej. Pa chodzie ruchu pasažyry słuchajuć infarmacyju pra historyju Bresta.
Prajekt realizavany krajaznaŭčym muziejem, bresckim tralejbusnym parkam i harvykankamam.
Uračysty zapusk «histaryčnaha» tralejbusa adbyŭsia ŭ centry horada, na prypynku hramadskaha transpartu «Praśpiekt Mašerava». Pieršym pasažyram aŭtar vystavy, zahadčyca navukova-aśvietnickaja adździełam abłasnoha krajaznaŭčaha muzieja Zinaida Kulša, raspaviała, što ideja stvaryć svojeasablivy muziej na kołach paŭstała daŭno. «My rady, što hetaja zadumka ŭvasobiłasia. Spadziajusia, jana spadabajecca haściam i žycharam horada, a ŭ bieraściejcaŭ źjavicca žadańnie čaściej chadzić u muziej», — adznačyła Kulša.
U pieršy dzień tralejbus pracavaŭ na maršrucie №1 (Ardžanikidze — abłasnaja balnica), jaki prachodzić praz uvieś horad.
Płanujecca, što tralejbus budzie vychodzić na liniju štodnia i kursiravać na roznych maršrutach da kanca hoda.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary