Były prezident Ukrainy Viktar Janukovič i členy jaho siamji prysutničali siońnia na pachavańni syna Viktara ŭ Sievastopali. Pra heta raspavioŭ adzin sa słužycielaŭ Śviata-Nikolskaha chrama.
«Na adpiavańni byli svajaki, u tym liku [eks-prezident Viktar] Janukovič. Žančyna, miarkujučy pa ŭsim maci, mocna płakała. Byŭ jašče maleńki chłopčyk, napeŭna, syn, i niekalki čałaviek, chutčej za ŭsio, svajaki», — raspavioŭ jon.
Pa słovach słužyciela, cieła Viktara Janukoviča-małodšaha dastavili ŭ chram na Brackich miemaryjalnych mohiłkach u noč z 22 na 23 sakavika, pry hetym pachavalnyja nabaženstvy išli da ranicy. Svajaki pryjechali na adpiavańnie i pachavańnie ŭžo dniom 23 sakavika.
Mierkavanaja mahiła Viktara Janukoviča-małodšaha, na jakoj zaraz niama apaznavalnych znakaŭ, znachodzicca ŭ carkoŭnaj častcy mohiłak. Na šmatlikich viankach na mahile jość nadpisy «Lubimamu synočku ad baćkoŭ», «Ad žonki», «Ad kalehaŭ», «Ad siamji Bondar», «Ad siamji Dźjačenki». Ale imieni pamierłaha ni na kryžy (šyldačcy), ni na stužkach viankoŭ niama.
Słužyciel chrama dadaŭ, što šmatlikija achoŭniki nikoha nie prapuskali na mohiłkach u čas pachavańnia.
Viktar Janukovič-małodšy zahinuŭ na voziery Bajkał 20 sakavika. Jaho mašyna pravaliłasia pad lod.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary