Vydaviec Łohvinaŭ sabraŭ amal usie hrošy dla vypłaty štrafu
U zbory 67 tysiač dalaraŭ udzielničała kala 1000 čałaviek.
Kniharnia «ŁohvinaŬ» amal sabrała ŭsiu sumu na štraf. «Pavodle našych padlikaŭ (a ŭ nas aktyvy ŭ roznych miescach), taksama pavodle harantyj ad dabradziejaŭ — my majem kala 90% ad sumy», — kaža Ihar Łohvinaŭ.
Pačać vypłaty knihavydaviec płanuje ŭžo siońnia, adnak vypłacić chutka usiu sumu całkam nie atrymajecca praz techničnyja składanaści. Na 15 sakavika pryznačany razhlad prośby ab adterminavańni płaciaža na paŭhoda.
Niepasredna ŭ kniharniu svaje achviaravańni prynieśli kala 500 čałaviek, jašče stolki ž skarystalisia admysłovym sajtam. Źbirali hrošy na praciahu dvuch miesiacaŭ.
«My vielmi ŭdziačnyja ŭsim, chto dapamahaŭ nam. My chočam zrabić dla ŭsich vialikuju imprezu. Zaraz źjazdžajem na knižny kirmaš u Lejpcyh, a kali vierniemsia, to adrazu niešta takoje arhanizujem», — havoryć knihavydaviec.
Nahadajem, ekanamičny sud Minska 9 studzienia 2015 hoda pastanaviŭ, što za handal bieź licenzii «Kniharnia ŁohvinaŬ» pavinna zapłacić štraf i viarnuć «niezakonny prybytak». Ahułam heta 967 miljonaŭ rubloŭ. U 2014 hodzie kniharnia šeść razoŭ biezvynikova sprabavała atrymać rehistracyju na handal knihami.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie41
Kamientary