Siońnia nočču ŭ papularnym pabliku «Padsłuchana. Minsk» u sacsietcy «UKantakcie» źjaviŭsia zapis, u jakim havorycca, što ŭ lipieni ceny na prajezd u Minsku vyrastuć da 9300 rubloŭ. Čutki abo budučaja realnaść? Onliner.by pravieryŭ infarmacyju ŭ aficyjnych asob.
«Heta nie «ŭkid» i ci nie dezinfarmacyja. Pracuju ŭ Biełteleradyjokampanii. Na telekanał pryjšła navina ad «Minsktransa» z nahody pavyšeńnia koštaŭ na prajezd. Ź lipienia biahučaha hoda prajezd budzie kaštavać 9300 bieł. rubloŭ. U paviedamleńni skazana, što heta źviazana z kałasalnymi vydatkami dziaržavy na transpart, maŭlaŭ, ciapierašni košt prajezdu ŭdvaja mienšy za realnyja vydatki na jaho, i taryfy na prajezd u hramadskim transparcie pryraŭniajuć da dalara pa jeŭrapiejskaj sistemie. Aficyjna hetuju navinu abvieściać pa televizary ŭžo ŭ siaredzinie sakavika», — kaža zapis u pabliku.
U dziaržaŭnym pradpryjemstvie «Minsktrans» ad aficyjnaha kamientara admovilisia, tolki koratka rastłumačyli:
«Heta rašeńnie znachodzicca, skažam tak, «u stadyi razmoŭ». Adny kažuć, što padaražańnie adbudziecca ledź nie ŭ sakaviku, inšyja ličać, što ŭ hetym hodzie nie čas dla padobnych novaŭviadzieńniaŭ».
Nahadajem, apošni raz prajezd u hramadskim transparcie daražeŭ u śniežni 2014 hoda — z 4000 da 4500 rubloŭ. Čarhovaje pavyšeńnie koštaŭ čynoŭniki płanavali na krasavik, adnak jano nie pavinna było być takim značnym. Kvitki ŭ Minsku pavinny byli prybavić u canie 500 rubloŭ i pradavacca pa 5000 za štuku.
Ciapier čytajuć
Anžalika Mielnikava paśla źniknieńnia nabyła dźvie kvatery ŭ Minsku83
Anžalika Mielnikava paśla źniknieńnia nabyła dźvie kvatery ŭ Minsku
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?2020
Kamientary