Staličnyja śledčyja ŭstanavili apošni maršrut Barysa Niamcova. Jak paviedamili TASS u pravaachoŭnych orhanach stalicy, niezadoŭha da zabojstva jon sa svajoj spadarožnicaj paviačeraŭ u adnym z restaranaŭ HUMa.
Ludzi niasuć kvietki na miesca zabojstva Niamcova, ria.ru
«Maršrut Niamcova ustalavany. Jon i jaho spadarožnica paviačerali ŭ restaranie ŭ HUMie i paśla hetaha pajšli prahulacca», — skazała krynica.
«Pa ŭsioj bačnaści, za im sačyli ad HUMa, adzin z saŭdzielnikaŭ pieradavaŭ zabojcam, kudy nakiroŭvajecca Niamcoŭ», - adznačyŭ krynica.
«Palityk ź dziaŭčynaj praz Krasnuju płošču pajšli ŭ bok Vasiljeŭskaha spusku, potym padnialisia na Vialiki Maskvarecki most i nakiravalisia ŭ bok Bałotnaj płoščy. Praz 200 mietraŭ ź imi paraŭniałasia inšamarka, adkul Niamcova rasstralali va ŭpor, paśla čaho mašyna adrazu ž źnikła», — dadaŭ surazmoŭca ahienctva. Spadarožnica Niamcova nie paciarpieła.
U pravaachoŭnych orhanach ličać, što heta zabojstva było staranna spłanavanaje, i da jaho rychtavalisia zahadzia.
U ciapierašni čas kanfiskavanyja zapisy kamier videanazirańnia, i ciapier ź imi pracujuć ekśpierty.
U toj ža čas staršy pamočnik kiraŭnika Hałoŭnaha śledčaha ŭpraŭleńnia pa Maskvie Julija Ivanova paviedamiła, što śledstva razhladaje ŭsie viersii zabojstva Niamcova i nie vyklučaje, što jano było zakaznym.
Barys Niamcoŭ byŭ zabity ŭ noč na 28 lutaha. Na miescy złačynstva znojdziena šeść hilzaŭ. Śledčy kamitet RF zavioŭ kryminalnuju spravu pa artykułach «Zabojstva» i «Niezakonny abarot zbroi».
Ciapier čytajuć
Na «hulni Mackieviča» nie było Cichanoŭskaj, Łatuški, Cichanoŭskaha. Babaryka i Kaleśnikava adjazdžali, ale viarnulisia4
Na «hulni Mackieviča» nie było Cichanoŭskaj, Łatuški, Cichanoŭskaha. Babaryka i Kaleśnikava adjazdžali, ale viarnulisia
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary