Dla Biełarusi i Parłamienckaj asamblei Rady Jeŭropy naśpieŭ čas «hladzieć u adnym napramku, pabudavać zasnavanaje na ŭzajemnym daviery sumlennaje i adkrytaje supracoŭnictva», havorycca ŭ zajavie śpiecdakładčyka PARIE pa Biełarusi Andrea Ryhoni, jakoje raspaŭsiudziła pres-słužba asamblei pa vynikach jaho vizitu ŭ Minsk 25—26 lutaha.
«Kroki napierad nieabchodnyja, — zajaviŭ Ryhoni. — Zrazumieła, što pryncypy Rady Jeŭropy zastanucca nieparušnymi dla našaj asamblei. Peŭnyja kroki, jakija dakazvajuć sapraŭdnuju hatoŭnaść da dyjałohu, dobra viadomyja biełaruskamu kiraŭnictvu i ŭklučajuć u siabie vyzvaleńnie ŭsich palitźniavolenych i ŭviadzieńnie maratoryja na śmiarotnuju karu ź pierśpiektyvaj jaje admieny».
Jak adznačaje pres-słužba, na sustrečach u Minsku Ryhoni abmierkavaŭ mahčymaść zaprašeńnia Biełarusi dla ŭdziełu ŭ rehijanalnaj kanfierencyi «Implemientacyja prava na svabodnyja vybary: prablemy vykanańnia vybarčaha zakanadaŭstva i pavahi standartaŭ Rady Jeŭropy», jakuju PARIE płanuje pravieści 4—5 červienia ŭ Paryžy. U joj voźmuć udzieł delehacyi z Armienii, Azierbajdžana, Hruzii, Małdovy i Ukrainy.
Ryhoni taksama pryniaŭ da ŭvahi mahčymaje zaprašeńnie PARIE nazirać za prezidenckimi vybarami ŭ Biełarusi ŭ listapadzie 2015 hoda.
Jon taksama sustreŭsia ź lidarami biełaruskaj apazicyi, niezaležnymi žurnalistami i pravaabaroncami, naviedaŭ infapunkt Rady Jeŭropy ŭ Minsku i pahutaryŭ sa studentami.
Ciapier čytajuć
Na «hulni Mackieviča» nie było Cichanoŭskaj, Łatuški, Cichanoŭskaha. Babaryka i Kaleśnikava adjazdžali, ale viarnulisia7
Na «hulni Mackieviča» nie było Cichanoŭskaj, Łatuški, Cichanoŭskaha. Babaryka i Kaleśnikava adjazdžali, ale viarnulisia
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary