Linhvisty dakazali nastroj čałaviectva na pazityŭ
Z dapamohaj analizu tak zvanych vialikich źviestak (Big data) amierykanskija navukoŭcy dakazali: ludzi bolš lubiać dobryja słovy.
Daśledavańnie linhvistaŭ, apublikavanaje ŭ časopisie Proceedings of the National Academy of Sciences, dała vynik: nośbity bolšaści moŭ płaniety čaściej vykarystoŭvajuć dobryja słovy. Pry hetym słovy pazityŭnaj afarboŭkaj bolš raznastajnyja i lahčej vyvučajucca.
Taki čynam navukoŭcy dakazali vysunutuju ŭ 1969 hodzie «hipotezu Palijany»: čałaviek padśviadoma aryjentavany na ŭsprymańnie i stvareńnie stanoŭčych paviedamleńniaŭ.
Hipotezu pravieryli na miljardach słoŭ ad kłasičnaj litaratury da hazietnych navin časoŭ Druhoj suśvietnaj vajny i sučasnych tvitaŭ. Nijakija padziei nie paŭpłyvali na movu krytyčna: usio roŭna ludzi bolš lubiać pazityŭnyja słovy.
Samaj pazityŭnaj, jak vyjaviłasia, źjaŭlajecca ispanskaja mova, a samaj niehatyŭnaj — kitajskaja.
Kab vyznačyć, jakija słovy «dobryja», a jakija nie, navukoŭcy prasili nośbitaŭ movy acanić pa 9-balnaj škale 10 tysiač najbolš užyvanych słoŭ. Takim čynam była padličanaja i siaredniaja pazityŭnaść moŭ.
Z dapamohaj atrymanych vynikaŭ navukoŭcy źbirajucca stvaryć instrumient dla vymiareńnia ščaścia ŭ hłabalnych maštabach u realnym časie. Toje možna budzie zrabić z dapamohaj sacyjalnych sietak i błahaśfiery.
Ciapier čytajuć
Polšča pryznała Alaksandra Mašenskaha niepažadanaj asobaj35
Kamientary