Mirny płan prezidenta Francyi Fransua Alanda i kanclera Hiermanii Anhieły Mierkiel pa ŭrehulavańni situacyi na paŭdniovym uschodzie Ukrainy praduhledžvaje stvareńnie pašyranaj demilitaryzavanaj zony — šyrynioj ad 50 da 70 kiłamietraŭ. Takuju infarmacyju raspaŭsiudziła ahienctva Press Association sa spasyłkaj na prezidenta Francyi, jaki vystupaŭ u efiry telekanała France 2.
Ałand taksama zaklikaŭ da «dosyć šyrokaj» aŭtanomii dla paŭdniova-ŭschodnich rehijonaŭ Ukrainy, pieradaje TASS. «Hetyja ludzi vajavali. Składana budzie prymusić ich vieści zvyčajnaje žyćcio», — adznačyŭ francuzski prezident.
5 lutaha, Mierkiel i Aland pabyvali ŭ Kijevie, dzie abmierkavali mirnaje ŭrehulavańnie ź Piatrom Parašenkam. Ab vynikach sustrečy nie paviedamlałasia, adnak paźniej u administracyi Parašenka adznačyli, što ideja fiederalizacyi Ukrainy nie abmiarkoŭvałasia.
Pieramovy Mierkiel, Alanda i prezidenta Rasii Uładzimira Pucina ŭ Maskvie pa situacyi va Ukrainie adbylisia 6 lutaha. Padrabiaznaści sustrečy nie razhałošvalisia.
U subotu, 7 lutaha, prezident Aland zajaviŭ, što kali ŭ chodzie pieramovaŭ pa mirnym urehulavańni kanfliktu na ŭschodzie Ukrainy nie atrymajecca dasiahnuć ŭstojlivaha pahadnieńnia, to Danbas čakaje vajna.
Čakajecca, što vyniki buduć padviedzienyja 8 lutaha ŭ chodzie telefonnaj razmovy ŭ «narmandskim farmacie» (Rasija, Ukraina, Hiermanija, Francyja).
Ciapier čytajuć
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni6
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2323
Kamientary