U Mahilovie chočuć adnavić kolišniuju haradskuju bramu pobač z Ratušaj
Žurnalisty niezaležnaha sajta «Naš Mahiloŭ» sabrali bolš za tysiaču podpisaŭ dziela adbudovy adnoj z čatyroch niekali isnavaŭšych mahiloŭskich bramaŭ — Dubrovienskaj.
Na jaje miescy ciapier pustka i adbudavać jaje, na dumku žurnalistaŭ, nie ŭjaŭlaje vialikich ciažkaściaŭ. Inicyjatary zboru podpisaŭ ličać, što viartańnie architekturnaj słavutaści budzie padarunkam horadu.
«Uznaŭleńnie bramy nie vymahaje vialikich srodkaŭ, — kaža adzin ź inicyjataraŭ zvarotu da ŭłady Ihar Barysaŭ, — Zbudavańnie nie składanaje ŭ architekturnym płanie. Placoŭka volnaja dla jaje. Možna pravieści archieałahičnyja raskopki, kab vyznačać dakładnaje jaje miescaznachodžańnie».
Na dumku Barysava, adrodžanaja brama moža stać adnym ź simvałaŭ Mahilova i napaminam pra isnavańnie ŭ horadzie zamka.
«Kiraŭnik horada Uładzimir Cumaraŭ źviartaŭsia da mahiloŭcaŭ, kab jany padavali svaje prapanovy, jakoj jany bačać płošču Słavy. I voś naša prapanova — Dubrovienskaja brama. Jana stanie nieadjemnym atrybutam samaj staroj haradskoj płoščy. I kali ciapier pryniata ŭsie inicyjatyvy dapasoŭvać da hadaviny pieramohi ŭ Druhoj suśvietnaj vajnie, to adbudavanaja brama budzie padarunkam horadu i haradžanam da hetaj daty».
Kandydat histaryčnych navuk Ihar Puškin kaža: toje, što zrabili žurnalisty možna paraŭnać tolki sa zboram podpisaŭ dziela adbudovy ratušy. Za jaje padpisałasia bahata mahiloŭcaŭ i źniščanuju ratušu viarnuli ź niabytu. «Ciapier nichto nia stavić pad sumnieŭ, što ratuša patrebna. Toje ž budzie i z bramaj»,— pierakanany Ihar Puškin.
Uźviedzienaja jana była niepadalok ad Handlovaj płoščy i była častkaj abarončych zbudavańniaŭ horadu. Ciapier Handlovaja płošča nazyvajecca płoščaj Słavy z adbudavanaj haradzkoj ratušaj.
U Mahilovie akramia Dubrovienskaj byli Karaleŭskaja, Alejnaja dy Vietranaja bramy.
Ciapier čytajuć
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»42
Kamientary