Źjaviłasia videa, na jakim dobra bačna, jak «apałčency» abychodziacca z pałonnymi. Na im kamandzir bataljona «Samali» z pazyŭnym «Hivi» spačatku stavić ŭkrainskich vajennapałonnych na kaleni, a potym prymušaje źjeści šaŭrony.
Pakazalna, što ŭ kadry niekalki razoŭ źjaŭlajucca mikrafony telekanałaŭ «Łajfńjuz» i «Rasija». Paśla, «Hivi» abvinavačvaje adnaho z pałonnych – padpałkoŭnika Siarhieja Kuźminych – u razbureńniach navokał. Daviedaŭšysia, što ukrainski vajskoviec z Žytomiru, «Hivi» abiacaje dajści datul, i ŭtvaryć toje ž, što adbyvajecca na Danbasie.
Zatym pałonnym zaviazvajuć vočy i zapichvajuć ich u mašynu.
«Łachi piačalnyja, vy papali ŭ ad!», — kryčyć na raźvitańnie adzin z DNR-aŭcaŭ.
34-hadovy «Hivi» – daŭno viadomy ŭ miedyjach piersanaž. Sapraŭdnaje imia jaho — Michaił Siarhiejevič Tałstych. Jon rodam z Uschodniaj Ukrainy. Svoj pazyŭny jon uziaŭ ŭ honar dziaduli-hruzina. Paśla bajoŭ za Iłavajsk atrymaŭ zvańnie padpałkoŭnika DNR.
U kastryčniku minułaha hoda «Hivi» źviarnuŭsia da lidara partyi ŁDPR Uładzimira Žyrynoŭskaha z prośbaj dać «apałčeńniu» aŭtamabili dla pieravozki paranienych. Nieŭzabavie Žyrynoŭski adpraviŭ partyju aŭtamabilaŭ «Niva» terarystam.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie4949
Kamientary