U 2014 hodzie biełarusy stali bolš kuplać aharodniny, sadaviny i ryby. Pra heta paviedamiła namieśnik ministra handlu Iryna Narkievič na pres-kanfierencyi ŭ Minsku 27 studzienia.
Pavodle jaje słoŭ, letaś biełarusy patracili na sadavinu na 20,9% bolš, čym u 2013 hodzie. Pryrost pa dziciačym charčavańni skłaŭ 9,7%, pa aharodninie — 8,5%, pa rybie, rakapadobnych maluskach i alei — 7,4%, pa kandytarskich vyrabach z cukru — 4,4%, pa miasie — 5,4%.
«Biełarusy stali mienš užyvać miasa z-za aktyŭnaha pavyšeńnia cen na jaho, ale kali ŭ charčavańni aharodnina, sadavina i rybnyja pradukty zajmajuć vialikuju dolu, heta dobry pakazčyk. Heta dobra dla zdaroŭja našaha nasielnictva», — zaznačyła Narkievič.
Kupla budaŭničych materyjałaŭ letaś u paraŭnańni z 2013 hodam pavialičyłasia na 25%, sintetyčnych myjnych srodkaŭ — na 14,7%, abutku — na 14,6%, televizaraŭ — na 12,1%, pančošna-škarpetkavych vyrabaŭ — na 11%, vierchniaha adzieńnia — na 6,7%, pralnych mašyn — na 4,8%, trykatažnych vyrabaŭ — na 4%.
U cełym u 2014 hodzie roźničny tavaraabarot handlu praz usie kanały realizacyi skłaŭ 308,4 trłn rubloŭ i pavialičyŭsia ŭ paraŭnańni z 2013 hodam na 6,6%. Udzielnaja vaha prodažu charčovych tavaraŭ skłała 49,4%, niecharčovych tavaraŭ — 50,6%.
Kamientary