Prezident karparacyi Sony Kadzua Chira ŭpieršyniu prakamientavaŭ skandał ź filmam «Intervju» praź niekalki tydniaŭ paśla chakierskaj ataki na kampjutary Sony Pictures, jakaja rychtavałasia vypuścić kinastužku ŭ prakat.
Pa słovach biznesmena, kibierataka była adnoj ź niebiaśpiečnych u historyi internetu.
Pry hetym Chira adznačyŭ, što hanarycca tym, jak jaho kampanija dała adpor chakieram-»vymahalnikam».
Kiraŭnik Sony asabliva padkreśliŭ, nakolki važnaja dla jaho kampanii svaboda samavyjaŭleńnia.
U filmie «Intervju» raspaviadajecca pra toje, jak dva amierykanskija žurnalisty, jakich hrajuć Džejms Franka i Set Rohien, damahajucca intervju z Kim Čen Ynam. Adnak CRU, daviedaŭšysia pra heta, źviartajecca da žurnalistaŭ ź idejaj zabić paŭnočnakarejskaha lidara.
Za atakaj na kampaniju-pravaŭładalnika, jak miarkujuć amierykanskija śpiecsłužby, stajali paŭnočnakarejskija ŭłady.
Dziejańni chakieraŭ spravakavali bujny mižnarodny skandał i astudzili i biez taho niaprostyja adnosiny Vašynhtona z Pchieńjanam.
ZŠA ŭviali sankcyi suprać KNDR, miarkujučy, što za atakaj staić Pchieńjan.
Ciapier čytajuć
Łukašenka zajaviŭ pra hatoŭnaść pryjechać u Kijeŭ93
Kamientary