Navahodniaje zastolle ŭ siamji z Oršy ledź nie skončyłasia zabojstvam muža na hlebie reŭnaści. Pa hetym fakcie raspačata kryminalnaja sprava, paviedamiła aficyjny pradstaŭnik upraŭleńnia Śledčaha kamiteta pa Viciebskaj vobłaści Ina Harbačova.
U 5.25 1 studzienia sa svajho doma ŭ balnicu z pranikalnym ranieńniem hrudnoj kletki byŭ źmieščany mužčyna 1985 naradžeńnia. Papiarednie ŭstanoŭlena, što jaho ŭdaryła ŭ svarcy nažom žonka. «Muž i žonka z kampanijaj adznačali Novy hod, a kali hości syšli, žančyna pryraŭnavała muža da adnoj z haściej. U svarcy jana ŭdaryła jaho nažom u hrudzi. Uśviadomiŭšy toje, što zdaryłasia, spałochałasia, vyklikała chutkuju. U milicyi dała pakazańni, pryznałasia ŭ zroblenym», — dadała Ina Harbačova.
Aršanskim mižrajonnym adździełam Śledčaha kamiteta ŭ dačynieńni da abvinavačvanaj raspačataja kryminalnaja sprava za zamach na zabojstva (č.1 art.14, č.1 art.139 KK RB). Jaje muž znachodzicca ŭ špitali, pahrozy žyćciu niama. Pakolki siamja charaktaryzujecca stanoŭča, muž pracuje ślesaram-ramontnikam, žonka — švačkaj, u ich vychoŭvajecca małaletniaje dzicia, abranaja miera strymańnia ŭ vyhladzie chatniaha aryštu.
Pieršy dzień novaha hoda ledź nie adznačyŭsia panažoŭščynaj ŭ Pastavach, paviedamili va UUS Viciebskaha abłvykankama. U prydarožnaj kaviarni nieviadomaja žančyna, pahražajučy nažom pradaŭcu, skrała hrašovuju vyručku. Nieŭzabavie supracoŭniki vyšuku Pastaŭskaha RAUS sumiesna z departamientam achovy vyjavili, što razboj ŭčyniła miascovaja žycharka. Jaje zatrymali pa haračych śladach z užyvańniem słužbova-vyšukovaha sabaki.
Kamientary