24 śniežnia adnaviŭ pracu 21 raniej zakryty pa rašeńni Ministerstva handlu mahazin «Miehatop», paviedamiła BiełaPAN słužba pa suviaziach z hramadskaściu hetaj kampanii.
Takim čynam, možna ličyć vyrašanym pytańnie prypynieńnia pracy mahazinaŭ, źviazanaha ź nieadpaviednaściu patrabavańniam ukaza prezidenta № 567 «Ab dadatkovych mierach pa abaronie pravoŭ spažyŭcoŭ» ad 5 śniežnia.
Jak paviedamili ŭ kampanii «Miehatop», jana vykanała patrabavańni Ministerstva handlu i asartymient mahazinaŭ papoŭniŭsia novymi tavarami biełaruskaj vytvorčaści. Pry hetym padkreślivajecca, što, «niahledziačy na ŭsie pierypietyi, źviazanyja z časovym zakryćciom mahazinaŭ, a taksama źmianieńniami ŭ ekanomicy krainy», kampanija pakinuła ceny na raniejšym uzroŭni, zamaroziŭšy ich.
U adpaviednaści z ukazam kampanija «Miehatop» apieratyŭna zaklučyła dahavory z šeraham biełaruskich vytvorcaŭ abutku, što dazvoliła pradstavić u handlovaj sietcy ŭsie tavary, pieraličanyja ŭ asartymientnym pieraliku, dadadzienym da ŭkaza prezidenta.
Zaraz u mahazinach «Miehatop» asnoŭny asartymient ułasnaj vytvorčaści i ŭłasnych handlovych marak dapoŭnieny pradukcyjaj takich vytvorcaŭ, jak AAT «Hrodzienskaja abutkovaja fabryka «Nioman», ZAT «Sivielha», AAT «Abutak», SZAT «OTYKA» i Minskaje abutkovaje AAT «Pramień».
Pry hetym kampanija paviedamlaje, što razhladaje hetuju mieru jak časovuju.
Adznačajecca, što «Miehatop» maje svaju ŭłasnuju vytvorčaść u Viciebsku. Ciapier tam vypuskajecca žanočy abutak pad handlovaj markaj Happy Family. U roźničnym tavaraabarocie pradukcyja hetaj marki dasiahaje 15%. «Uličvajučy novyja realii», kampanija płanuje najbližejšym časam pašyryć svaje vytvorčyja mahutnaści i naładzić vypusk mužčynskaha i dziciačaha abutku.
Ciapier čytajuć
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary