Maniety z Astrožskim źnikli z bankaŭ i ŭžo pierapradajucca pa 150 dalaraŭ
Pamiatnyja maniety Nacyjanalnaha banka Biełarusi z vyjavaj Kanstancina Astrožskaha, jakija pačali pradavać u aŭtorak, 18 śniežnia ŭžo ciažka nabyć. U Minsku i srebnyja, i miedna-nikielevyja maniety ŭžo raskupili. U banku skazali, što nie viedajuć, kali ŭ prodaž pastupić novaja partyja maniet i ci pastupić uvohule.
Srebnyja maniety jašče zastalisia ŭ homielskim adździaleńni Nacbanka, a ŭ Mahilovie jašče možna nabyć jak srebnyja, tak i miedna-nikielevyja maniety.
U adździaleńni Nacbanka ŭ Breście, Baranavičach, Pinsku, Viciebsku, Hrodnie, Połacku i Babrujsku maniety jašče ŭvohule nie zavozilisia.
Adnak na internet-aŭkcyjonach maniety z adbitym na ich Astrožskim užo pierapradajuć pa značna vyšejšych cenach. Tak, na aŭkcyjonie ay.by za miedna-nikielevuju manietu prosiać 10 dalaraŭ ZŠA, u toj čas jak u Nacbanku jana pradajecca za 50 tysiač rubloŭ. Adzin z pradaŭcoŭ prapanuje kupić takuju manietu pa blic-košcie 150 dalaraŭ.
Usiaho było adbita 5000 maniet, pryśviečanych hietmanu VKŁ: 3 tysiačy ź miedna-nikielevaha spłavu i 2 tysiačy sa srebra.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie4949
Kamientary