Pra heta zajaviŭ hienieralny sakratar NATO Jens Stołtenbierh na pres-kanfierencyi što da vynikaŭ pasiadžeńnia Ukraina-NATO, piša «Jeŭrapiejskaja praŭda».
«Raniej Ukraina aficyjna prytrymlivałasia pazicyi ab svajoj pazabłokavaści. Ciapier urad abjaviŭ, što Ukraina pazbavicca hetaha statusu, i hetu pastanovu my taksama pavažajem. I kali Ukraina padaść zajaŭku na ŭvachodžańnie ŭ NATO, hetaja zajaŭka budzie razhledžanaja», — zajaviŭ Stołtenbierh.
Toj fakt, što Kijeŭ padčas pasiadžeńnia Ukraina-NATO paviedamiŭ aljansu pra takuju pastanovu, paćvierdzili ŭ MZS Ukrainy. Pra heta havorycca ŭ paviedamleńni pasła ŭ asobych daručeńniach MZS Dźmitryja Kuleby.
Hienieralny sakratar NATO ŭ suviazi z hetym asobna padkreśliŭ, što aljans razhladaje jak dziejnuju pastanovu bucharesckaha samita NATO 2008 hoda ab jeŭraatłantyčnych pierśpiektyvach Ukrainy.
«My da hetaha času prytrymlivajemsia dumki, što Ukraina stanie siabram NATO», — zajaviŭ jon.
U toj ža čas kančatkovuju pastanovu ab zajaŭcy na ŭvachodžańnie pavinien pryniać ukrainski bok, padkreśliŭ hienieralny sakratar. «My z pavahaj pastavimsia da pastanovy Ukrainy padavać zajaŭku, kali jana budzie pryniataja. I hetak ža budziem pavažać, kali budzie pryniataja pastanova nie padavać zajaŭku», — skazaŭ Stołtenbierh.
U aŭtorak u Bruseli budzie pryniataja pastanova ab tym, što farmat supracoŭnictva Ukrainy i Paŭnočnaatłantyčnaha aljansu pavinien być uzmocnieny.
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam4
Kamientary