U Jekaciarynburhu kiroŭca džypa rasstralaŭ vučonaha za zaŭvahu ab parkoŭcy
30 kastryčnika ŭ rasijskim horadzie Jekaciarynburhu biznesoviec z Dahiestana z traŭmatyčnaha pistaleta zabiŭ navukovaha supracoŭnika Rasijskaj Akademii navuk. Navukoviec sa svaim kaleham zrabili jamu zaŭvahu ab parkoŭcy jahonaha aŭtamabila.
Dahiestaniec pastaviŭ svoj luksovy Land Cruiser na aŭtobusnym prypynku i pajšoŭ u kramu. Kali jon viarnuŭsia, to supracoŭniki Instytuta chimii ćviordaha cieła Uralskaha adździaleńnia RAN Aleh Šapatkoŭski i Uładzimir Kuźniacoŭ pačali vykazvać jamu svaje pretenzii z nahody parušeńniaŭ praviłaŭ parkoŭki. Na vačach u šmatlikich ludziej kiroŭca pačaŭ źbivać apanientaŭ. Paśla dastaŭ traŭmatyčny pistalet i adkryŭ ahoń.
Adna z kul trapiła ŭ hałavu Šapatkoŭskamu. Paśla hetaha napadnik sieŭ u mašynu i ŭciok ź miesca złačynstva. Vučony byŭ špitalizavany i dziesiać dzion znachodziŭsia ŭ reanimacyi, paśla čaho pamior ad atrymanaj traŭmy.
«Mnie 51 hod, Alehu Paŭłaviču było 56. Nichto z nas nie kryčaŭ, nie łajaŭsia, nie nakidvaŭsia na jaho. Niezrazumieła, čamu jon pačaŭ stralać. Na roŭnym, faktyčna, miescy», — raspavioŭ kaleha zahinułaha Uładzimir Kuźniacoŭ.
Zabojcam akazaŭsia 35-hadovy Rašyd Hadžyjeŭ — uładalnik adrazu dźviuch budaŭničych kampanij Jekaciarynburha.
Spravaj zajmajecca Śledčy kamitet Rasii.
Aryštavany 75‑hadovy Źmicier Sańko — vieteran-vydaviec3
Kamientary