Palitviaźnia Jaŭhiena Vaśkoviča pieraviali z turmy ŭ kałoniju, jon vytrymaŭ maksimalny termin
Pra heta «Našaj Nivie» paviedamiła jaho maci, Rušanija Ivanaŭna.
«List ab tym, što Ženiu pieraviali pryjšoŭ jašče miesiac tamu. Sama ja da jaho jašče nie jeździła, i jon mnie pakul nie pisaŭ, ale advakat jaho naviedvaŭ. Skazaŭ, što ŭsie u Jaŭhiena narmalna: adčuvaje siabie dobra, chodzić na pracu — niešta tam šyje», - skazała jana.
Pisać Jaŭhienu Vaśkoviču možna na adras: 212013, Mahiloŭ, Słaŭharadskaja šaša, 183, VK-15. Vaśkoviču Jaŭhienu Siarhiejeviču.
Nahadajem, što Vaśkovič byŭ asudžany ŭ 2011 hodzie razam z Arciomam Prakapienka i Paŭłam Syramałotavym.
Jaho prysudzili da 7 hadoŭ źniavoleńnia pavodle abvinavačańnia ŭ sprobie padpału dźviarej babrujskaha adździaleńnia KDB.
Spačatku chłopiec adbyvaŭ pakarańnie ŭ Mahiloŭskaj kałonii № 15, a 12 kastryčnika 2011 hoda byŭ pieraviedzieny ŭ Mahiloŭskuju turmu № 4 jak «złosny parušalnik režymu». Tam chłopiec siadzieŭ u kamiery z 9 inšymi źniavolenymi, adnak na ŭmovy nie skardziŭsia. Šmat razoŭ Vaśkovič traplaŭ ŭ karcar — ahułam jon pravioŭ tam 247 sutak.
U kastryčniku 2014 trochhadovy termin, jaki palitviazień pavinien byŭ pravieści ŭ turmie, skončyŭsia, i chłopca pieraviali ŭ kałoniju.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary