U Biełarusi zaćvierdžany paradak zamieny niadobrasumlennych zabudoŭščykaŭ

Zaćvierdžana Pałažeńnie ab vypadkach i paradku zamieny zabudoŭščyka pry nievykanańni (parušeńni) abaviazacielstvaŭ pa stvareńni abjekta budaŭnictva. Heta praduhledžana pastanovaj Savieta Ministraŭ ad 10 listapada 2014.

Zhodna z dakumientam,

da vypadkaŭ, jakija źjaŭlajucca padstavaj dla zamieny zabudoŭščyka, adnosiacca pieravyšeńnie terminaŭ vykanańnia abaviazacielstvaŭ pa dahavorach stvareńnia abjektaŭ dolevaha budaŭnictva bolš jak na šeść miesiacaŭ; pieravyšeńnie terminaŭ budaŭnictva, vyznačanych u hrafiku praviadzieńnia rabot, prykładzienym da dahavora budaŭničaha padradu, bolš jak na try miesiacy; spynieńnie zabudoŭščykam finansavańnia budaŭnictva abjekta budaŭnictva na termin bolšy za try miesiacy; admova zabudoŭščyka ad vykanańnia abaviazacielstvaŭ pa stvareńni abjekta budaŭnictva ŭ suviazi ź niemahčymaściu vykanańnia pryniatych abaviazacielstvaŭ pa dahavorach stvareńnia abjektaŭ dolevaha budaŭnictva i (abo) dahavory budaŭničaha padradu.

Pry najaŭnaści padstaŭ dla zamieny zabudoŭščyka adpaviedny abłvykankam abo Minharvykankam maje prava prypynić budaŭnictva abjekta i na praciahu 10 kalandarnych dzion z dnia ich vyjaŭleńnia stvaraje kamisiju dla razhladu mahčymaści ŭstaranieńnia ŭ trochmiesiačny termin padstaŭ dla zamieny zabudoŭščyka. U vypadku niemahčymaści ich ustaranieńnia kamisija ŭnosić u orhan vykanaŭčaj ułady prapanovy ab metazhodnaści zamieny zabudoŭščyka.

Adpaviedny abłvykankam abo Minski harvykankam na padstavie prapanoŭ kamisii na praciahu 10 kalandarnych dzion z dnia atrymańnia pratakoła prymaje rašeńnie ab zamienie zabudoŭščyka abo ab niemetazhodnaści jaho zamieny. U vypadku zamieny naznačajecca novy zabudoŭščyk, jaki maje prava na ažyćciaŭleńnie budaŭničaj dziejnaści ŭ adpaviednaści z zakanadaŭstvam, ź liku kamunalnych unitarnych pradpryjemstvaŭ pa kapitalnym budaŭnictvie, ich daččynych unitarnych pradpryjemstvaŭ, inšych dziaržaŭnych arhanizacyj abo arhanizacyj z dolaj dziaržavy ŭ statutnym fondzie bolš jak 50 pracentaŭ.

Zhodna z dakumientam,

dolščyki, jakija admovilisia ad zaklučeńnia dahavora stvareńnia abjekta dolevaha budaŭnictva z novym zabudoŭščykam, i raniejšy zabudoŭščyk majuć prava patrabavać ad novaha zabudoŭščyka viartańnia hrašovych srodkaŭ.

Dakumient ustupaje ŭ siłu praz try miesiacy paśla jaho aficyjnaha apublikavańnia. Pry hetym Ministerstvu architektury i budaŭnictva Biełarusi ŭ trochmiesiačny termin z dnia pryniaćcia hetaj pastanovy pradpisana ŭstanavić paradak raźliku doli kožnaha dolščyka i raniejšaha zabudoŭščyka ŭ abjomie nie zavieršanaha budaŭnictvam abjekta, pieradadzienaha novamu zabudoŭščyku. Taksama viedamstvu daručana rastłumačvać pytańni prymianieńnia Pałažeńnia ab vypadkach i paradku zamieny zabudoŭščyka pry nievykanańni (parušeńni) zabudoŭščykam abaviazacielstvaŭ pa stvareńni abjekta budaŭnictva.

• 0
• 0
• 0
• 0
• 0
• 0
• 0
• 0