Łukašenka nie bačyć pryčynaŭ dla admieny 7 Listapada, ale nie ŭkładvaje ŭ hety dzień sensu
Alaksandr Łukašenka nie bačyć pryčynaŭ dla admieny śviata 7 listapada, ale palityčnaha sensu ŭ jaho nie ŭkładvaje. Taki punkt hledžańnia jon vykazaŭ siońnia ŭ čas razmovy z pracaŭnikami TAA «Protas».
«Nijakaha palityčnaha sensu ŭ hetaje śviata ja nie ŭkładaju. Ludzi pryvykli jaho adznačać. I čamu treba jaho admianiać?» — ckazaŭ kiraŭnik dziaržavy.
Pry hetym jon rastłumačyŭ: «Ja praciŭnik revalucyj, jak i vy, ale tady ludzi zmahalisia za lepšaje žyćcio». Kiraŭnik dziaržavy taksama padkreśliŭ, što jon nie prychilnik taho, kab łamać historyju i pieranazyvać daty. «Ale ŭ nas ŭchił na hetaje śviata niekalki inšy — da hetaha času padychodzić da zaviaršeńnia vytvorčy i finansavy hod na pradpryjemstvach. I ja prapanavaŭ — davajcie da hetaha śviata rabić narodu padarunki, pakazvać, što zrabili za hod», — adznačyŭ jon.
Łukašenka padkreśliŭ, što mahiloŭcy da 7 listapada atrymali ŭ padarunak rekanstrujavany i kapitalna adramantavany most praz raku Dniapro. Dla haradžan heta vielmi važny momant, jak i ŭ cełym raźvićcio sacyjalnaj infrastruktury i darožnaj sietki. Alaksandr Łukašenka akcentavaŭ uvahu, što ŭ rekanstrukcyi mosta praz raku vykarystoŭvalisia miascovyja budaŭničyja materyjały, u pryvatnaści, vypuščanyja ŭ TAA «Protas».
Praciahvajučy temu śviata, Łukašenka padkreśliŭ: «Hety dzień treba zachavać jak dzień pramiežkavaj spravazdačy pierad narodam. Nie raju palityzavać hetaje śviata, treba bolš dumać ab praktycy — budavać novyja masty, doma, vytvorčaści. Heta hałoŭny sens, jaki my ŭkładvajem u heta śviata».
Ciapier čytajuć
Anžalika Mielnikava paśla źniknieńnia nabyła dźvie kvatery ŭ Minsku90
Anžalika Mielnikava paśla źniknieńnia nabyła dźvie kvatery ŭ Minsku
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?2323
Kamientary