2 listapada ŭ Minsku adbyłosia tradycyjnaje šeście ŭ Kurapaty i mitynh, pryśviečanyja Dniu pamiaci prodkaŭ. Akcyju arhanizavała Kansiervatyŭna-Chryścijanskaja partyja BNF. U joj udzielničali pradstaŭniki ŭsioj hramadzianskaj supolnaści. Biełaruski Chielsinski Kamitet aceńvaje kolkaść udzielnikaŭ šeścia ŭ 400 čałaviek.
«Chadžu na šeście, bo mnie važna bačyć, što my nie adny, što pamiać zastajecca, što my biełarusy. Raniej ja sam chadziŭ, a ciapier užo z synam chadžu», — kaža ŭśmiešlivy małady mužčyna, jaki pryjšoŭ z synam hadoŭ šaści ŭ akularach.
Vala i Uładź Jaromienki taksama pryjšli na šeście sa svajoj maleńkaj dačkoj Arynaj. «My chočam, kab jana pryvučałasia da šeściaŭ, da ściahoŭ, da nacyjanalnych koleraŭ. Kab jana mieła pamiać pra našych prodkaŭ», — kaža Vala.
«Pierajemnaść pakaleńniaŭ, pamiać, historyja, mova — heta rečy, na jakich trymajecca nacyja. I kali našy susiedzi, naš bratni narod pieražyvaje taki ciažki čas — heta adznaka salidarnaści, toje, što tut zhadvajuć Ukrainu. Vialikaja častka ŭdzielnikaŭ — moładź. Heta pakazvaje, što Biełaruś žyvie», — skazaŭ nam Pavieł Sieviaryniec, lidar Biełaruskaj Chryścijanskaj Demakratyi, jaki taksama ŭdzielničaŭ ŭ šeści.
Apytanka
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy34
Kamientary