Kanstruktarskija pracy pa stvareńni novaha rasiejskaha tanka na płatformie «Armata» praciahnucca da kanca 2015 hoda, paviedamiŭ kamandujučy suchaputnymi vojskami RF hienierał-pałkoŭnik Aleh Salukoŭ.
Raniej vice-premjer Rasiei Dźmitryj Rahozin nieadnarazova zajaŭlaŭ, što tank budzie prademanstravany publikie ŭ Maskvie na paradzie 9 maja 2014 hoda.
Ciažkaja husieničnaja płatforma «Armata» raspracoŭvajecca Urałvahonzavodam z 2009-2010 hodu, na jaje bazie płanujecca stvaryć siamiejstva bajavych mašyn roznaha pryznačeńnia: ad tanka i BMP da samachodnych artyleryjskich harmat i remontna-evakuacyjnych mašyn.
Pakul nieviadoma, jak budzie vyhladać tank na płatformie «Armata», ale bolšaść naziralnikaŭ ličyć, što ekipaž tanka budzie całkam schavany ŭ braniakapsule ŭ korpusie mašyny, adkul praz kampjutarnyja sistemy budzie kiravać viežaj i ŭzbrajeńniem.
Vykarystańnie padobnych schiem kampanoŭki zachodnija krainy (naprykład, ZŠA i Francyja) razhladali dla svaich tankaŭ u 1980-90-ja hady.
Adnačasova Rasija raspracoŭvaje bajavuju mašynu piachoty na bazie «Armata», bajavuju mašynu piachoty «Kurhaniec-25» i bronietransparcior «Bumieranh». Paśla taho, jak hetaja technika projdzie dziaržaŭnyja vyprabavańni, armija zakupić pa niekalki dziasiatkaŭ adzinak kožnaha typu braniatechniki – pa adnym bataljonnym kamplekcie, paviedamiła rasiejskaje ahienctva RIA, cytujučy Salukova.
Z 2003 pa 2013 hod vajenny biudžet Rasii pa aficyjnych dadzienych vyras prykładna z $20 młrd da $76 młrd, što dazvoliła pačać maštabnuju prahramu pieraŭzbrajeńnia vojska i fłotu.
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam4
Kamientary