U bližejšy čas Litva zmoža prystupić da ekspartu miasnych praduktaŭ u ZŠA — pra heta ŭ sieradu paviedamili premjer-ministru Litvy Alhirdasuu Butkiavičusu.
Pres-słužba Kabmina paviedamiła, što padčas sustrečy z sakratarom ZŠA pa sielskaj haspadarcy Tomasam Uiłsakam litoŭski premjer daviedaŭsia, što Słužba pa biaśpiecy i kantroli nad praduktami ZŠA padrychtavała kančatkovy prajekt spravazdačy aŭdytu ab ekvivalentnaści, u jakim pryznajecca, što sistema kantrolu nad miasam u Litvie całkam adpaviadaje vysunutym patrabavańniam i raŭnacennaja sistemie, jakaja ŭžyvajecca ŭ ZŠA.
Premjera taksama infarmavali ab dalejšych administracyjnych pracedurach ŭ ZŠA, jakija nieabchodnyja, kab Litva była zaniesiena ŭ Fiederalny rehistr krain, jakim dazvalajecca ŭvozić miasnyja pradukty ŭ ZŠA.
«Ciapier Litva asabliva zacikaŭlena ŭ raźvićci handlovych suviaziej z ZŠA ŭ śfiery miasnoj pradukcyi. Pryznańnie amierykanskimi viedamstvami ekvivalentnaści sistemy kantrolu nad miasnymi praduktami ŭ Litvie asabliva važna z palityčnaha i ekanamičnaha punktaŭ hledžańnia, asabliva ŭ suviazi z apošnimi hieapalityčnymi padziejami», — skazaŭ premjer.
Jon taksama skazaŭ, što ad uviedzienaha Rasijaj embarha ŭ Litvie ŭ najbolšaj stupieni paciarpieli małočny i miasny siektary.
Tamu kraina imkniecca da dyviersifikacyi ekspartnych rynkaŭ i aryjentacyi na doŭhaterminovyja, stabilnyja rynki nadziejnych handlovych partnioraŭ, tamu Litva imkniecca aktyvizavać handal z ZŠA.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary