У бліжэйшы час Літва зможа прыступіць да экспарту мясных прадуктаў у ЗША — пра гэта ў сераду паведамілі прэм'ер-міністру Літвы Альгірдасуу Буткявічусу.
Прэс-служба Кабміна паведаміла, што падчас сустрэчы з сакратаром ЗША па сельскай гаспадарцы Томасам Уілсакам літоўскі прэм'ер даведаўся, што Служба па бяспецы і кантролі над прадуктамі ЗША падрыхтавала канчатковы праект справаздачы аўдыту аб эквівалентнасці, у якім прызнаецца, што сістэма кантролю над мясам у Літве цалкам адпавядае высунутым патрабаванням і раўнацэнная сістэме, якая ўжываецца ў ЗША.
Прэм'ера таксама інфармавалі аб далейшых адміністрацыйных працэдурах ў ЗША, якія неабходныя, каб Літва была занесена ў Федэральны рэгістр краін, якім дазваляецца ўвозіць мясныя прадукты ў ЗША.
«Цяпер Літва асабліва зацікаўлена ў развіцці гандлёвых сувязей з ЗША ў сферы мясной прадукцыі. Прызнанне амерыканскімі ведамствамі эквівалентнасці сістэмы кантролю над мяснымі прадуктамі ў Літве асабліва важна з палітычнага і эканамічнага пунктаў гледжання, асабліва ў сувязі з апошнімі геапалітычнымі падзеямі», — сказаў прэм'ер.
Ён таксама сказаў, што ад уведзенага Расіяй эмбарга ў Літве ў найбольшай ступені пацярпелі малочны і мясны сектары.
Таму краіна імкнецца да дыверсіфікацыі экспартных рынкаў і арыентацыі на доўгатэрміновыя, стабільныя рынкі надзейных гандлёвых партнёраў, таму Літва імкнецца актывізаваць гандаль з ЗША.
Каментары