Brytanski piśmieńnik Entani Horavic stvoryć novy raman pra Džejmsa Bonda
Entani Horavic napiša novy raman pra viadomaha ahienta 007 źniešniaj raźviedki Złučanaha Karaleŭstva. Pra heta abviaściŭ u Łondanie uładalnik pravoŭ na vobraz Džejmsa Bonda kampanija Ian Fleming Publications.
Raman, užo jaki atrymaŭ nazvu «Zabojstva na kołach» (Murder on Wheels), pavinien vyjści 8 vieraśnia 2015 hoda. «Heta taja kniha, jakuju ja zaŭsiody chacieŭ napisać», — zajaviŭ Entani Horavic.
Tvor budzie hruntavacca na aŭtarskich zapisach Jana Fleminha, jakija jon zrabiŭ pry padrychtoŭcy da televizijnaha filma pra Džejmsa Bonda, jaki płanavaŭsia ŭ ZŠA. Paźniej pradziusary admovilisia ad hetaj idei, i rukapis na praciahu amal 60 hadoŭ znachodziŭsia ŭ zakrytym archivie.
Dziejańnie ramana adbyvajecca ŭ Hiermanii padčas aŭtahonak. Džejms Bond supraćstaić savieckim śpiecsłužbam.
Try hady tamu Horavic stvaryŭ pa daručeńni Fondu spadčyny Artura Konana Dojla novy raman pra Šerłaka Chołmsa «Dom šoŭku».
«Kali ŭładalniki pravoŭ na vobraz Džejmsa Bonda źviartajucca z prośbaj stvaryć novy raman pra jaho, to niemahčyma admovicca, — pryznaŭsia 59-hadovy brytanski piśmieńnik. — Heta vielmi składanaja zadača, adnak nakidy Fleminha akažuć mnie vialikuju dapamohu».
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy60
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi3
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary