Pra heta paviedamiŭ karespandentu BiełTA načalnik słužby hidramietearałahičnych prahnozaŭ respublikanskaha hidramieteacentra Dźmitryj Rabaŭ.
«U siezonnym panižeńni tempieratury adbudziecca rezki skačok. Siaredniasutačnaja tempieratura apyniecca na 1-3 hradusy nižej za klimatyčnuju normu, — adznačyŭ Dźmitryj Rabaŭ. — Ź piatnicy ŭładu nad nadvorjem voźmie čarhovy chałodny antycykłon, narodžany nad Barancavym moram».
U aŭtorak jašče zachavajecca umierana-ciopłaje nadvorje. Miescami projduć nievialikija daždžy. Nočču čakajecca plus 6—11, dniom — plus 12—18 hradusaŭ.
U sieradu pachaładaje.
Pryčynaj hetaha, pa słovach sinoptyka, stanie chałodny antycykłon. Dzień projdzie pieravažna biez apadkaŭ. Nočču i ranicaj budzie słaby tuman. Tempieratura pavietra ŭnačy składzie plus 1—8 hradusaŭ, miescami zamarazki da minus 3. Dniom pavietra prahrejecca ad 8 da 15 hradusaŭ ciapła.
Z čaćviarha pa niadzielu taksama nie budzie apadkaŭ.
U načnyja i ranišnija hadziny — słaby tuman. Na bolšaj častcy terytoryi nočču zamarazki ad 0 da minus 4 hradusaŭ, tempieratura pavietra składzie 1—5 hradusaŭ ciapła, miescami da 6 hradusaŭ. Dniom čakajecca plus 8—15 hradusaŭ.
U cełym u pieršyja dziesiać dzion kastryčnika čakajecca chałodnaje nadvorje.
U siarednim pa krainie tempieratura pavietra pieršaj dekady składaje plus 8,1 hradusa.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary